سمك بصوص الطحينة المقادير: كيلو سمك فيليه ثمرة بصل كبيرة مقطّعة شرائح 1/2 ملعقة صغيرة كمون 1/2 كوب عصير ليمون 1/2 كوب زيت زيتون مكعب مرقة دجاج 2 1/2 كوب ماء 1/2 كيلو طحينة 3 فص ثوم مفروم ملح وفلفل أسود الطريقة: 1- تبّلي السمك بالملح والفلفل الأسود وربع كوب من زيت الزيتون، وحطّيه في صينية ودخّليه في فرن ساخن على درجة حرارة عالية وسيبيه لمدة ربع ساعة تقريبا أو لغاية ما تحسّي إن السمك استوى. 2- اخلطي الطحينة مع عصير الليمون والماء والثوم، وقلّبيهم مع بعض كويس لغاية ما يمتزجوا تماما ويكوّنوا خليط متجانس. 3- سخني باقي كمية زيت الزيتون في حلة، شوّحي فيها البصل لغاية ما لونها يبقى ذهبي، وبعد كده ضيفي عليها خليط الطحينة ومرقة الدجاج والكمون، وسيبيهم مع بعض على نار متوسطة مع التقليب باستمرار لمدة 5 دقائق، أو لغاية ما الخليط يبقى قوامه سميك. 4- حطّي قطع السمك الفيليه في طبق التقديم، وحطّي عليه صوص الطحينة اللي حضّرتيه وزيّنيه بالبقدونس، وبعد كده قدّميه مع أرز أبيض.. وبالهنا والشفا.
خلصت وصفتنا النهارده.. استنونا مع وصفات جديدة كل يوم.. سلام،،،