أعدّها لكم: نيهال - من وصفات القراء النهارده حبّيت أشارك معاكم بوصفة بحبها جدا وهي فطيرة الشيكولاتة، يا ريت تجرّبوها وتبعتوا تقولوا لي رأيكم فيها.. فطيرة الشيكولاتة المقادير: * كوب زبدة * 2 كوب سكر * 2 كوب دقيق * ملعقة صغيرة فانيليا * كوب مارشيميللو صغير * ملعقة صغيرة بيكينج صودا * 4 ألواح شيكولاتة خام (مذابة) * 8 ألواح شيكولاتة خام (مقطّعة) * 2 بيضة * رشة ملح الطريقة: 1- اخلطي الزبدة مع السكر واضربيهم مع بعض كويس لحد لما الخليط يبقى شكله كريمي. 2- ضيفي البيض والفانيليا والشيكولاتة المذابة وقلّبيهم مع بعض كويس أوي. 3- بعد كده ضيفي الدقيق واحدة واحدة عشان يختلط بسهولة، وضيفي كمان البيكينج صودا والملح وقلّبيهم مع بعض كويس. 4- افردي العجينة في صينية ودخليها الفرن لمدة 15 دقيقة على درجة حرارة 180. 5- طلّعي الصينية من الفرن ورشّي عليها الشيكولاتة المقطّعة والمارشيميللو ودخليها الفرن تاني لمدة 5 دقايق، وبعدين طلعيها وقدّميها سخنة؛ وبألف هنا وشفا.
وبكده تكون خلصت وصفتنا النهارده..استنونا بكره مع وصفة جديدة.. يا ريت تجرّبوها وتبعتوا لنا تقولوا لنا على اقتراحاتكم.. ولو عايزين تشاركونا بوصفاتكم المميزة.. ابعتوا هنا