لو عايزة تعملي أكلة سريعة وفي نفس الوقت مغذية وشهية، تقدري تقدّميها على الفطار أو على العشاء أو كطبق جانبي على سفرتك في أي عزومة، جرّبي معانا النهارده على "سفرة دايمة" صينية البطاطا في الفرن. صينية البطاطا بالجبنة في الفرن المقادير: * 5 ثمرات بطاطا كبيرة * طبق صغير جبنة رومي مبشورة * 3 قطع صغيرة زبدة * ملعقة كبيرة نشا * 4 كوب لبن * 3 بيضات * ملح وفلفل الطريقة: 1- اغسلي البطاطا كويس، وقشّريها، وقطّعيها حلقات، وتبّليها بالملح والفلفل الأسود. 2- حطّى اللبن على النار، وضيفي معاه النشا مع التقليب لغاية ما تحسّي إن اللبن قوامه بقى سميك ومتماسك شوية. 3- اضربي البيض كويس، وما تنسيش تحطّي شوية فلفل أسود، وبعد كده هاتي الصينية اللي هتعملي فيها، ورصّي فيها البطاطا، وبعد كده ضيفي عليها خليط اللبن والنشا والبيض المخفوق، وبعدين الجبنة المبشورة، وعلى الوش وزّعي قطع الزبدة، ودخّليها الفرن لحد ما تستوي.. وبالهنا والشفا.
خلصت وصفتنا النهارده.. استنونا كل يوم مع وصفات جديدة.. سلام،،،