عايزة أحكي حاجة هي مش مشكلة بس هي مضايقاني شوية.. أنا خطيبي بيشتغل في الخارج، وإحنا الحمد لله كويسين مع بعض، وهو شخصية محترمة، وأنا واثقة إنه بيحبني. مشكلتي إني شخصية قلوقة أوي، دايما قلقانة عليه؛ بس لما بينزل إجازات دايما يقول لي: "طمنيني عليكي، ولما ترجعي من تحت كلميني أو رني لي".. كده يعني. فأنا باكون مبسوطة أوي إنه قلقان عليّ كده؛ بس وهو مسافر مش بيعمل كده، أنا اللي دايما أقول له: "أول ما تروّح البيت رن لي؛ حتى لو مش هتفتح النت نتكلم، بس أطّمن إنك وصلت البيت"، وأحيانا بيعمل كده وأحيانا لأ؛ بس اللي مضايقني إن وهو مسافر مش باحس إنه قلقان عليّ كده. ماما بتقول لي: "معلش هو بيبقى مشغول هناك في الشغل، وهو واثق فيكي أوي"، وفعلا هو دايما يقول لي: "أنا سايب راجل هنا.."!! قولوا لي أعمل إيه؛ عشان يقلق عليّ شوية وهو مسافر.. ولا أنا لازم أستحمل عشان ده ممكن يكون مش بإيده؟ مش عارفة قولوا لي رأيكم. mysoul
