السلام علكيم.. أنا بجد متابعة كل موضوعاتكم واقتراحاتكم وآرائكم في شتى المجالات، أنا عندي 22 سنة. مش عارفة إذا كانت دي مشكلة ولا مش مشكلة!! بس هي بدأت لما عرفت واحد عن طريق النت، وكانت بس صحوبية يعني ماتعدتش أي حد، بالعكس هو كان بيكبرني ب6 سنين، وماكانش بيني وبينه غير كل احترام، بس أهلي لما عرفوا اتضايقوا، وبقوا واخدين بالهم من تصرفاتي، ومنعوني سنتين عن النت، وبقوا بيضيقوا على كل تصرفاتي. بس المشكلة دي فات عليها 4 سنين، بس أنا باحس إنها حصلت امبارح؛ من كتر ما هما مش ناسيين، أنا بجد مش عارفة أمارس حياتي طبيعي من تاني، مع إني قطعت علاقتي بيه، واقتنعت إنه ماينفعش بنت وولد يبقوا أصحاب إلا إذا كان في مجال بيجمعهم سواء شغل أو جامعة، بس أنا بجد تبت عن الموضوع ده، أنا بجد مش عارفة أرجع إزاي لطبيعتي؟ أهلي دايما فاكرين وبيفكروني بالموضوع ده، مع إن ربنا غفور رحيم، وأنا باعترف إني أخطأت بس مش معنى كده يفكروني ويأنّبوني بيها طول الوقت، أنا بجد غلبت معاهم.. يا رب تساعدوني برأيكم، أحل المشكلة دي إزاي؟ noonaa