مفرش السرير وشكله وخامته ونوعه من أهم الحاجات اللي بتفكر فيها كل عروسة.. وبتسأل نفسها.. إيه هي الموضة السنة دي؟! ويا ترى الموديلات شكلها إيه؟! وعلشان خاطر كل بنات قمر 14 اللي بيجهزوا أو اللي اتجوزوا ونفسهم يجددوا مفارش بيتهم جبنا لهم النهارده أحلى مفارش للسرير.. مفرشك من شخصيتك للمفارش ألوان وأشكال كتيرة جدا فمثلا هنلاقي مفارش ألوانها فاتحة، ومفارش تانية ألوانها غامقة، ومفارش مشجرة، ومفارش سادة، وطبعاً اختيار الشكل في النهاية بيرجع ليكِ ولشخصيتك فلو كانت شخصيتك بسيطة وحالمة يبقى هتلاقي نفسك بتميلي أكتر إلى الألوان الفاتحة والألوان المبهجة، أما لو كانت شخصيتك جريئة هتلاقي نفسك بتميلي إلى الألوان الغامقة والألوان المتداخلة ذات الأشكال الغريبة. مفارش ومواسم طبعاً كل البنات والستات عارفة إن للمفارش مناسبات ومواسم زيها زي أي حاجة تانية بنشتريها زي اللبس مثلاً، وهنلاقي إن للمفرش ثلاث مناسبات أو مواسم مهمة وهي... 1- مفرش ليلة الدخلة ويعتبر من أكثر المفارش اللي بتهتم بيها البنات وأمهاتهم وحتى كمان حماتهم؛ لأنه أهم عنصر بيبرز أناقة وشياكة غرفة النوم وتفاصيلها، والمفرش ده تحديدا ليه أشكال كثيرة ففي منه النوع السوري والمطرز بخرج النجف، والمشغول بخيوط السيرما، وطبعا الاختيار في النهاية بيرجع لذوق العروسة وميزانيتها... ومن المعروف إن مفارش السرير سعرها بيتراوح على حسب الخامات المصنوعة منها. وخدي بالك من إنك لما تشتري مفرش ليلة الدخلة لازم تختاري الألوان الفاتحة والزاهية اللي تليق بالليلة دي، وحاولي إنك تبعدي عن الألوان الغامقة. 2- المفرش الشتوي وهو عادة بيكون قمة في الشياكة، ولكنه للأسف مظلوم في البيت المصري لأن كتير من الأمهات والبنات لا تفضلنه ويفضلن عليه البطانية واللحاف.. وفي حاجة عايزاكِ تاخدي بالك منها وهي إنك لو هتشتري مفرش شتوي وهتحتفظي بيه لمدة طويلة بدون استخدام يبقي ياريت إنك تحطيه في الشنطة المخصصة له وتشيليه في مكان جاف، ومن الأفضل إنك تخرجيه وتفرديه في الشمس من فترة لأخرى حتى لا يدخل إليه الحشرات أو الأتربة. 3- المفرش الصيفي
وهو متعدد الألوان والموديلات وتهتم باقتنائه الكثير من العرائس وده لجمال شكله وأناقته، وخصوصا إن المصممين وشركات التصنيع بيهتموا دائماً بطرح الجديد منه في الأسواق. مفارش الأطفال لإضافة روح المرح أمهات كثيرة بتهتم جداً بكل تفاصيل حجرة نوم أطفالهم زي السراير والألوان والستاير، لكن بتنسى تهتم بحاجة مهمة جداً وهو مفرش السرير.. لكن صدقيني إنك لما تجيبي مفرش مخصوص للأطفال هيضفي على الحجرة شكل وروح مرحة وتحبب أطفالك في الغرفة وتشجعهم إنهم يناموا فيها لوحدهم وما يخافوش. إزاي تختاري المفرش المناسب دلوقتي عايزة أقولك على مجموعة من النصايح يا ريت تاخدي بالك منها وأنتِ بتشتري المفرش... 1- يجب أن تقيسي مساحة السرير قبل شراء المفارش لكي لا تفاجئين إن المفرش أصغر أو أكبر حجما من السرير بعد الشراء. 2- يفضل اقتناء المفارش القطنية؛ لأنها أريح وأسهل في التنظيف ومن الممكن التنويع ما بين الأقمشة الأخرى كالساتان والأورجانزا. 3- تضفي أقمشة الساتان والحرير على مفرش السرير جواً مليئاً بالخيال والرومانسية لذلك يفضل اقتنائه في المناسبات. 4- ألوان وتصاميم المفارش ينبغي أن تتناسب مع الجو العام لغرفة النوم وألوان الجدران أيضاً. ودلوقتي دوسي هنا علشان تتفرجي على أحدث أشكال المفارش... جاليرى مفارش السرير * صحة وجمال اضغط على الصورة لمشاهدة الجاليري: