الحلم: أنا حلمت إن أنا وبابا وماما وأختي في الشقة عندنا في أوضة جوه، وبعدين باب الشقة خبّط فراحت بنت صغيرة تفتح الباب، وقالت كلموا تيتة فرحنا نشوف لقينا عمتي (وبقالها فترة مش بتكلّم بابا) ومِرات عمي (وهو متوفّى) وعمتي الكبيرة (وهي متوفاة وكانت مريضة جدا قبل وفاتها) لكنها كانت كويسة أوي في الحلم؛ وهم التلاتة كانوا فرحانين أوي ومبسوطين، وبابا حضن عمتي الصغيرة، وكان مبسوط أوي، وعمتي الكبيرة حضنت أختي وسلّمت عليها وهي قاعدة، ولما جيت أسلم عليها قامت وقفت وأخدتني بالحضن أوي ومش كانت راضية تسيبني، وبابا قعد يقول لي كفاية عشان ماتتعبش، وأنا قلت له هي اللي مش راضية تسيبني. يشير الحلم إلى رغبتك في أن يلتم شمل العائلة من جديد، ويعود الحال لما كان عليه من محبة وود وتراحم.