ووجهته اكتر من مره عشان انا بتضايق جدا حتى وانا حامل بردو مكنش مقدر التعب اللي انا فيه وكنت بحس انه بيعرف غيري وكنت بواجهه وينكر لحد من كتر مواجهتى معاه وصلت لمد ايده عليا وصبرت عليه وكان عنده ظروف ماديه بشغله وصبرت عليه وكان حارمني من كل حاجه حتى الكلمه الحلوه مش موجوده واجي اقوله يقولي الظروف والشغل وتاخير بره لحد الصبح كل يوم لحد مراقبته واكتشفت انه بيعرف ستات يعمل معاهم حاجات مش كويسه وواجهته وطلبت الطلاق وروحت عند اهلي. فضل ورايا يعتذر وقالي انها لحظه شيطان وانه اتغير طبعا انا تعبت اوي بعد مرجعلته حاسه ان كل حاجه مزيفه حاسه ان كل حاجه كدب مش مصدقه اى كلمه منه وقفدت الثقه بنفسي تماما مبقاش ليا نفس اعمل عشانه اي شيء انا محتاجه نصيحه بجد اني حاسه اني هفضل في الدوامه دي طول عمري مش حاسه انه بيتغير خالص مع انه بقي بيتصرف كويس وكلامه بقي حلو بس هوه احساسي انه كان مع غيري هيقتلني وانه ممكن يفرط فيا عشان اى واحده هوه اللى دابحنى ساعدوني وارجو الرد والاهتمام مش عايزه أتكلم معاكي في الماضي وإنه طبعًا غلط غلط كبير ووقع في الحرام، لكن حابه أبدأ معاك من وقت ما قبلتي ترجعي ليه. إنتي أخدتي قرار إنك ترجعي، عارفة طبعا ومقدرة إنه صعب عليك ترجعي لطبيعتك وتنسي خيانته وتثقي فيه، بس لازم تحاولي ومتسبيش فرصة للشيطان يبعدك تاني عن زوجك، حاولي تفتكري الحاجات الحلوة اللي كانت بينكم، وتفتحي قلبك ليه، عوضيه بالحلال واغنيه عن الحرام، ساعديه وساعدي نفسك تكسبوا سعادتكم وحياتكم من جديد وتبدأوا بداية صح، حياتك وإبنك اللي جاي للدنيا يستحقوا تحاولي. أختي الحبيبة استعيني بالله وادعيه ليل نهار أن يهدي زوجك ويعصمه من الحرام.
