أنا هدخل ف الكلام ع طول، أنا مخطوبة بقالي سنتين ونص، وأنا وخطيبى وخدين بعض عن اعجاب، المهم أنا كنت مبسوطة أوى في أول سنة، بعد كدة حصل ما بنا مشاكل وخناق، وكان السبب كنت بشك فى الوقت دة وكنت بغير عليه أوي، بس هو كان السبب في شكي فيه وكنت بخاف ان بنت تانية تأخده مني، وفي الفترة دي مكنتش حاسة بحبة أوي، هوا اللى خلاني أغير عليه أوى واشك فىه بس كان ساعتها كنت بخاف أن يروح لحد تاني غيري، وكنت دايمًا بدعى ربنا إنه يحببه فيا أكتر، وبعد الفترة دي كان فيها قلق وخوف، بعد كدة بقى يعملنى كويس أوى أوي، واسلوبة معايه بقا أحسن وبقى عاوز يعمل أي حاجة عشان يسعدني باين أوى في أسلوبة معايا وأي حاجة تزعلني ميعملهاش ع طول، دلوقتي هوا كويس معايا أوى، لكن أنا اللى ما بقتش مرتاحة معاه، وبقيت أقف على كلمة يقولها وبقيت أزعل منه بسرعة أوى وبقيت مش مستحملة أي كلام منه أنا مابقتش عارفة أنا مالي بحبة ولا.. لأ؟ مرتاحة معا ولا.. لأ؟ مبسوطة معا ولا..لأ؟ مابقيتش عارفه صديقتنا العزيزة من الممكن أن يكون شعورك بعدم الارتياح راجع لخوفك من الارتباط الأبدى (الزواج) أو تردد ما قبل الزواج، أنتي لم تذكرى في كلماتك أى مشكلة أو أي سلوك قد صدر من خطيبك لتشعرى بالقلق، ولكي تتغير مشاعرك تجاهه، فمن الممكن أن يكون ما تشعرين به هو التردد من الزواج، وهذا أمر طبيعي. حاولي أن تمنحي نفسك فرصه للتفكير في الموضوع بشكل واقعي أكثر وأسألي نفسك سؤال هام، هل فعلاً أنتى مترددة من الزواج بشكل عام أم الزواج بهذا الشخص نفسه؟ ولكن لو أنتي على يقين بأن مشاعرك قد تغيرت تجاه هذا الشخص فنصيحتى لك أن تصارحيه بهذا الأمر حتى لا تظلميه معاك ويظل موهوم بحبك له.