كل سنة وأصدقاء "بص وطل" طيبين وبصحة وخير.. النهارده وبمناسبة احتفالات رأس السنة.. قرّرنا نعمل لكم عزومة مميّزة، وفي نفس الوقت سهلة وسريعة.. وعزومتنا النهارده هتكون مكوّنة من: سلطة الثومية، وشوربة الطماطم والفلفل الأحمر، وديك رومي بالأعشاب، وكيكة بالقهوة والكاكاو..
*******************
ضيفي الزيت تدريجيا مع الخفق لغاية ما قوام الخليط يبقى زي المايونيز سلطة الثومية المقادير: * 2 فص ثوم * بياض 3 بيضات * كوب زيت ذرة * ملح وفلفل أبيض الطريقة: 1- يُوضع الثوم في الخلاط الكهربائي على سرعة متوسّطة، ويضاف بياض البيض مع الاستمرار في الخفق، لغاية ما الخليط يبقى ناعم جداً. 2- ضيفي الزيت تدريجيا أثناء الخلط مع زيادة السرعة، لغاية ما الخليط يبقى قوامه زي قوام المايونيز، وبعد كده تبّليه بالملح والفلفل الأبيض.. وبالهنا والشفا.
*******************
ممكن تزيّني الشوربة بشرائح الفلفل الأحمر شوربة الطماطم والفلفل الأحمر المقادير: * 3 ملاعق زيت زيتون * بصلة مفرومة * كيلو طماطم مقطّعة * 4 أكواب شوربة فراخ أو خضار * 2 ثمرة فلفل أحمر * 2 ثمرة فلفل أحمر مقطّعة شرائح للتزيين * ملح وفلفل الطريقة: 1- سخّني زيت الزيتون في حلة، وشوّحي فيها البصل لغاية ما لونه يصفرّ، وبعد كده ضيفي الطماطم والفلفل، وسيبيهم على النار لغاية ما تحسي إن كل المكوّنات تجانست مع بعضها واستوت. 2- ضيفي الشوربة على الخليط السابق، وغطّي الحلة، وسيبيها لمدة 20 دقيقة. 3- صفّي الشوربة بمصفاة في وعاء عميق، وتبّليها بالملح والفلفل، واضربيها في الخلاط، وبعد كده رجّعي الشوربة على النار، وسيبيها لغاية ما تغلي وحجمها يقل بمقدار الربع، وبعد كده حطّيها في أطباق التقديم، وزيّنيها بشرائح الفلفل الأحمر.. وبالهنا والشفا.
*******************
ممكن تزيّني الديك الرومي بالبرتقال أو الليمون ديك رومي بالأعشاب المقادير: * ديك رومي * 3/ 4 كوب زيت زيتون * 2 ملعقة كبيرة ثوم مفروم * 2 ملعقة صغيرة ريحان مجفف * ملعقة صغيرة مريمية * معجون طماطم * ملح وفلفل أسود * 2 كوب ميه * بهارات الطريقة: 1- سخّني الفرن على درجة حرارة 325. 2- نظّفي الديك الرومي كويس، وتبّليه من الداخل بالملح والفلفل الأسود والبهارات، وحطّيه في الصينية اللي هتسوّيه فيها، بس يُفضّل إنها تكون بغطاء. 3- في وعاء صغير، اخلطي زيت الزيتون مع الثوم والريحان والمريمية ومعجون الطماطم والملح والفلفل الأسود، وباستخدام فرشاة وزّعي الخليط على الديك الرومي من الخارج، وسيبيه لمدة 4 ساعات أو أكتر علشان يتّبل. 4- صبّي الميه في الصينية اللي فيها الديك الرومي وغطّيها، ودخّليها الفرن. 5- سيبيه في الفرن لمدة 3 ساعات ونصف تقريبا، أو لغاية ما تحسّي إنه استوى تماما، بس خلّي بالك إن صدر الديك يكون لتحت علشان ده أكتر جزء بيحتاج لسوى وحرارة عالية، وبعد ساعتين اقلبيه على الناحية التانية علشان لونه يبقى واحد من كل الجهات. 6- بعد كده خرّجي الصينية من الفرن، وحطّي الديك في طبق التقديم، وممكن تزيّنيه بشرائح البرتقال أو الليمون.. وبالهنا والشفا.
*******************
قطّعي الكيكة شرائح وحطّيها في طبق التقديم كيكة القهوة والكاكاو المقادير: * 1 3/ 4 كوب دقيق * 3/ 4 كوب كاكاو غير محلّى * 1 1/ 2 ملعقة بيكينج بودر * كوب قهوة معدّة سابقا * 1/ 2 كوب زيت * ملعقة فانيليا * 2 كوب سكر * كوب كريمة طبخ "موجودة في أي سوبر ماركت" * ذرة ملح * 2 بيضة الطريقة: 1- في وعاء كبير اخلطي الدقيق والكاكاو والبيكنج بودر والسكر والملح. 2- اعملي فراغ في المنتصف، وضيفي البيض والكريمة والزيت والقهوة والفانيليا. 3- اضربي الخليط لمدة دقيقتين على السرعة المتوسّطة لغاية ما كل المكونات تتجانس مع بعضها، وبعد كده صبّيه في صينية مدهونة بقليل من الزيت والدقيق. 4- دخّلي الكيكة في فرن ساخن على درجة حرارة 350، وسيبيها لغاية ما تستوي، ويمكن اختبارها للتأكّد من نضجها بغرز سكينة أو خلة في الكيكة، ولو خرجت نظيفة تتأكّدي إنها استوت. 5- طلّعي الصينية من الفرن، وسيبيها تبرد لمدة 10 دقائق، وبعد كده طلّعي الكيكة من الصينية، وقطّعيها شرائح وحطّيها في طبق التقديم.. وبالهنا والشفا.
وبكده تكون خلصت عزومتنا النهارده أتمنى إنها تكون عجبتكم وتجرّبوا كل الوصفات اللي قدّمناها وتبعتوا تقولوا لنا النتيجة كانت إيه ********************* للتعرف على مزيد من الوصفات الشهية اضغط هنا "سفرة دايمة" *********************
