أنا طالبة جامعية في آخر سنة في كلية مرموقة، والدي ووالدتي بيشتغلوا في مهن محترمة ونحن في وضع اجتماعي أقدر أقول عليه متوسط زي حال معظم الناس اليومين دول. اتخطبت من فترة كده، خطيبي جامعي بيشتغل برده في شغل كويس في مجال دراسته. مشكلتي في أهله وفي وضعهم الاجتماعي أقدر أقول إني هانزل عن وضعي اللي أنا فيه.. هم ناس طيبين لكن باحس إنهم عايشين في الماضي ما بيتقدموش أبدا حتى أعمامه وأخواله برده نفس الموضوع. والدته ست بيت ووالده بيشتغل في شغلانة بسيطة لكن ماتعبوش، مشكلتي في اللي حواليّ كلهم بيتقدموا وأنا معاهم ومتابعاهم يوم بيوم وأنا حاسة إني أنا بانزل بانزل... بافكر في حياتي قدام وولادي وضعهم هيكون إيه؟ هو غير أهله تفكيره زي تفكيري بس أنا هاعيش معاهم في نفس العمارة وتقريبا طول اليوم هاكون معاهم حاسة إني أقل من كل اللي حواليّ مع إنه ماديا مش مأخر عني حاجة أنا مستريحة له بس أحيانا باحس من النفور منه لما باشوف الموضوع ككل ووضعي اللي هاكون فيه.. أنا محتارة ومش عارفة أعمل إيه نفسي حد يفيدني بعقلانية وقت لما باكون متضايقة منه باقول أنا خلاص هاسيبه.. أنا إيه اللي أنا عملته في نفسي ده؟ مع إني اتقدم لي أحسن منه بكتير بس باروح أصلي وأدعي ربنا سبحانه وباحس له براحة نفسية بس بيرجع لي الوسواس تاني إني أسيبه.. أنا مش عارفة أعمل إيه ده مستقبل وحياة وأنا محتارة جدا.. سموره صديقتنا العزيزة.. لقد وضعت أنت بنفسك وصفا مناسبا لحالتك وهو "الوسواس" كما ذكرت.. والحيرة أمر طبيعي في هذه الحالة وخاصة لو كانت العروض أمامك كثيرة ولكني للحقيقة لم أجد في رسالتك ما يعيب هذا الشاب، فهو مثلك تماما عنده طموح ولا يبخل عليك بشيء يعمل في شغل كويس وهو جامعي متفتح مثلك.
فما المشكلة إذن.. أنت تقولين إن المشكلة في عائلته وهم الناس البسطاء الذين لا يفكرون إلا في قُوتهم وحياتهم الخاصة ومستوياتهم العلمية بسيطة وسقف طموحهم بسيط، وهذا الشيء لا يعيب إلا أصحابه إضافة إلى أن من يرضى به لا يشعر بمشكلة فيه.. كما أنك ربطت بشكل عجيب بين ما هم عليه وما لابد أن تصبحي أنت عليه في حالة زواجك من ابنهم، وهذا الفرض ليس من الصحة بمكان؛ حيث إن كل إنسان هو من يصنع نفسه، وهو من بيده أن يطور أداءه، ويختار نشاطاته إذا كانت لديه قوة الدافع والعزيمة لكي يكون شيئا وأنت تخافين على مستقبل أولادك، وبإمكانك أن تربي أولادك ليكونوا علامة في هذه العائلة وخارجها فلن يجبرك أحد على أن تكوني إلا ما تشائين.. ارضي بقضاء الله؛ فمشيئته لك مع هذا الشاب الذي تشعرين أنه مثلك وتفكيره متقارب مع تفكيرك وعليك بالسعي نحو الرقي والتقدم بوضع أسرتك المستقبلية بالتخطيط السليم والإصرار على التقدم للأمام بإذن الله، وربنا يوفقك..