أهلا وسهلا بكل أصدقائي في حلقة جديدة من حلقات "جمالك من الطبيعة مع رانيا" على "قمر 14".. حلقتنا النهارده هنتكلّم فيها عن حاجات كتيرة جميلة ومفيدة... هنشوف مع بعض في أوّل الحلقة إزاي ممكن نستخدم الصابون الطبيعي اللي بنعمله مع بعض في الحلقات، في إننا نشكّله بأشكال جميلة ونقدّمها لأصحابنا بمناسبة أعياد رأس السنة... كمان هنتكلّم عن طرق العناية بالبشرة الجافة وهنعرف مع بعض إيه الماسكات المناسبة لها؟
هادي أصحابك بصابون مِن صنع إيدك؟ عملنا مع بعض في حلقات قبل كده أنواع مختلفة من الصابون؛ زي صابون الأرز والعسل، وصابون بالنشا وزيت الزيتون، وفيه كمان الكورة الفوّارة اللي هنعملها مع بعض الحلقات اللي جاية. كل الحاجات دي ممكن نعملها بنفسنا في البيت، ونشكّلها بطريقة شيك ولذيذة، ونقدّمها كهدية لأصحابنا بمناسبة أعياد رأس السنة؛ فمثلاً ممكن نكوّر الصابون على شكل كور صغيرة تكفي لمرة واحدة، وندحرجه على أرز مطحون، ونحط الكور في برطمان زجاجي، ونغلف البرطمان ده بشريط ساتان أو أورجانزا، بجد بيبقى شكله حلو جدا، وبيبقى عامل زي البونبون. ممكن كمان نحطه في قالب بأي شكل يعجبنا؛ زي شكل شجرة الأرز أو شكل وردة، ونسيبه لغاية ما يتجمّد، وبعد كده نشيله، ونقدّمه كهدية. وممكن نصبّه في علبة زجاج، ونستعمله على إنه كريم، وناخد منه بالليفة عند الاستعمال.
إضغط لمشاهدة الفيديو: الفازلين.. لعلاج جفاف البشرة الفازلين من الحاجات المهمة والمفيدة جداً، لعلاج جفاف البشرة في أي منطقة في الجسم؛ سواء كان الوجه أو الكوع والركب أو الكفين أو القدمين. والفازلين الخام ممكن نجيبه من عند العطار، وبيكون لزج جدا ومالوش ريحة خالص، ولونه أوف وايت، وقوامه صافي، ومافيش فيه أي كتل جامدة. ,ممكن نستخدم الفازلين بأكتر من طريقة لبشرة الجسم والوجه، لكن في الأول لازم نعرف إننا لما نعمل أي ماسك فيه فازلين مش لازم نتعرّض به لأي إضاءة عالية، مش بس الفازلين لكن أي مادة بنستخدمها بيكون فيها نسبة دهون كبيرة مش لازم نتعرّض به لضوء عالي، يعني الماسكات دي مش لازم نعملها الصبح، وإن شاء الله في الحلقة اللي جاية هنعمل أكتر من ماسك بالفازلين. والفازلين مش بس بنستخدمه لترطيب البشرة، لكن ممكن نستخدمه لإزالة الميك أب، وممكن نحطه تحت العين؛ لأنه بيرطب المنطقة دي وبيروّقها جداً، وممكن نستخدمه لتهدئة المناطق الحسّاسة لو كان فيها أي التهابات.
إضغط لمشاهدة الفيديو: الجزر.. للبشرة الجافة الحسّاسة الجزر مفيد جدا للبشرة الجافة والحسّاسة؛ لأنه بيحتوي على فيتامين أ، ب، ج، والفيتامينات دي مهمة للبشرة والشعر، ودلوقتي هنعمل مع بعض ماسك بالجزر هايل جدا لأصحاب البشرة الجافة... المكوّنات: * جزرة متوسّطة مسلوقة بقشرتها * ملعقة كبيرة زيت لوز حلو * صفار بيضة الطريقة: بنهرس الجزرة في الميه اللي اتسلقت فيها؛ علشان ناخد كل الفايدة اللي فيها، وبنضيف عليها باقي المكوّنات، ونقلّبهم مع بعض كويس جدا. والماسك ده نحطه على بشرة وشنا ورقبتنا، ونسيبه لمدة ساعة، وبعد كده نغسل وشنا بمية فاترة.
إضغط لمشاهدة الفيديو:
إضغط لمشاهدة الفيديو: ولغاية هنا خلصت حلقتنا النهارده.. نتمنّى إنها تكون عجبتكم وتستفيدوا منها.. وانتظرونا في الحلقات القادمة..
********************* للرجوع للحلقات السابقة اضغط هنا "جمالك من الطبيعة مع رانيا" *********************
