أنا كنت عاوزة أعرض عليكم مشكلتي.. أنا مخطوبة من سنة وأربع شهور، وكنت بحب خطيبي قبلها بثلاث سنوات، وهو كمان بيحبني. بس أنا مش عارفة إيه اللي حصل.. اتغير معايا أوي، هو بيسافر وبينزل كل شهرين أسبوع؛ بس هو كان تعبان والإجازة كانت طويلة، وفي آخر الإجازة اتغير، وما كانش بييجي لي، وإن جه مش بيتكلم، وأنا مهما أتكلم مش بيردّ عليّ، وإن سألته: ما لك؟ يقول: ما فيش.. ولما باكلمه يلخّص في الكلام ويقفل بسرعة، وما كنتش باشوفه كتير مع إن بيته جنبي. اكتشفت إنه عارف واحدة غيري، وكان بيكلّمها كتير، وكل ما أرنّ ألاقيني على الويت انتظار، ولما أقول: مين؟ يقول: صاحبي.. بس أنا عارفة إنها واحدة، وبيقول إنه مصاحبها بس؛ لكن ما فيش أي علاقة بينهم. أنا مجروحة، وهو دلوقتي رجع لي بعد ما رميت له الدبلة لأنه بيحبني؛ بس أنا مش قادرة أسامح على اللي عمله فيّ. b