الحلم: أنا حلمت إن أنا وحبيبي اتخطبنا، وهو كان عندنا في البيت، وجه ميعاد العشاء، وأنا قلت له تعالى عشان تتعشّى، وهو رفض، وبعدين أنا رحت وقفت معاه في البلكونة، وجات بيتنا بنت حلوة أوي ووشها منوّر، رحت أنا قلت: الله إيه البنت الجميلة دي مين دي، راح هو قال لي الله دي حلوة أوي، رحت أنا زعلت منه عشان قال كده، ورحت حطيت إيدي على عينه، وفضلت أزعق له عشان كان بيبص على البنت دي، وماما سمعتني وأنا بازعّق معاه، وجت وقالت لنا: فيه إيه؟ قلت لها: يا ماما هو عمال يبص على البنت الحلوة دي، راحت ماما ضحكت، وقالت له: إنت هتبيعها عشان البنت دي؟ رحت قلت لها: ده ممكن يبيعني في أي وقت يا ماما، راح قال لي: لا والله أنا عمري ما أقدر أبيعك، وراح فضل يعيط بانهيار، رحت قلت له خلاص والله معلش أنا آسفة. يشير الحلم إلى تعلّقك الكبير بهذا الشاب وحبّك العميق له؛ لكن الحلم في الوقت نفسه يكشف عن عدم ثقتك في أفعاله وتصرّفاته التي يتظاهر بعكسها، ولذلك فإنها تظهر على صفحة أحلامك.