بسم الله الرحمن الرحيم.. مشكلتي إني مش عارفة إذا كنت بحبه ولا لا.. أنا طالبة جامعية لسه في أولى، وهو معاه دبلوم وبيشتغل أعمال حرة.. اتعرفت عليه عن طريق صاحبتي، هو ابن عمتها، وهي عرضت عليّ وأنا قبلت إني أكلمه، هو شخص محترم جداً والناس كلها بتقول عليه كده. حصل مشاكل لأن كل حاجة بيننا لازم صاحبتي تعرفها، وأنا مش بحب كده لأني مش كل حاجة ينفع تتحكي، وقلت له؛ بس للأسف هو كان برضه بيحكي لها، وكان بيقول لها ما تعرّفهاش عشان هي بتزعل.. المهم ده كان سبب خناقاتنا دايماً مع بعض. والسبب التاني الشغل بتاعه؛ لأني رافضاه.. سيبنا بعض حوالي 5 شهور، ورجعنا كلمنا بعض تاني.. هو ما عرفش يكلّم حد غيري في خلال الفترة دي.. كان بيتصل بيّ كتير، وأنا كنت رافضة أرجع عشان ما نرجعش وننفصل تاني؛ بس الحمد الله دلوقتي رجعنا لبعض تاني. بس أنا خايفة ومش عارفة أنا كده صح ولا لا؟.. أرجو الردّ والإفادة، وهل أنا كده بحبه ولا ساعات باكون محتاجة له؟ yoyo