السلام عليكم ورحمة الله وبركاته.. أنا بحب واحد من حوالي سنتين كده وهو كمان بيحبني.. المهم أنا بحب النت جدا وبحب أستكشف فيه حاجات، كان ليّ أصحاب بيحبوا موقع الفيس بوك بس أنا مش بحبه، قالوا لي اشتركي علشان تشوفي حاجات فيه وكده، اشتركت بس مش كنت بادخل عليه.
المهم إن حبيبي دخل على الفيس بوك لقى رسايل مبعوتة مني لأولاد علشان تعارف وكده، بس أنا والله مش أعرف عن الرسايل دي حاجة. المهم إن كان فيه رسالة مبعوتة لولد أنا أعرفه كصورة مرتبط يعني ببنت صاحبتنا؛ فهو سألني إنتي تعرفيه؟ قلت له لا، بس أنا فعلا مش أعرفه، والله ومش كنت فاكراه. المهم إن هو افتكر إني باكلم الولد ده، وإن أنا باخونه وكده، وأنا في نظره دلوقتي خاينة وكدابة، ومش عارفة أعمل إيه، ونفسي أعرف مين اللي بعت الرسايل دي للأولاد دول، بس مش كان فيه حد يعرف الباسوورد غير أصحابي وقرايبي، بس مستحيل يعملوا كده، وأنا سألتهم بس هما مستحيل يعملوا كده أبدا ومش عارفة أعمل إيه.. أنا بحبه جدا ومش أقدر أستغنى عنه. loovee