قالت الناشطة منى سيف عضو مؤسس "لا للمحاكمات العسكرية للمدنيين"، وشقيقة الناشط علاء عبدالفتاح، أنها وزوجته قد تمكنتا من رؤية علاء ،أمس، خلال التحقيق معه بمديرية أمن القاهرة. وتابعت قائلة عبر تدوينة لها ب"فيس بوك": علاء اتحقق معاه النهاردة الصبح في مديرية أمن القاهرة، بابا وطاهر أبو النصر و محمد الأنصاري، حضروا معاه باقي المحامين اتمنعوا، وأنا ومنال بس اللي قدرنا نشوفه، و حرموا ماما و سناء.. حتى لما قلتلهم ممكن أنا أنزل ونسيب سناء تطلع تشوفه.. برضه رفضوا... علاء عنده إصابة في رأسه من التعدي عليه أثناء القبض عليه، أما شوفناه كان حافي وبنفس اللبس اللي نزلوه بيه من البيت و كان بردان جدًا.. صحيح ما اعتدوش عليه في مكان احتجازه، لكنه قضى اليوم متغمي، متكتف خلفي ونايم على البلاط، واتوجهله سلسلة التهم اللي متوجهة لل 24 شاب المقبوض عليهم، وأخد حبس 4 أيام على ذمة التحقيق". واختتمت قائلة : "علاء مسجون بسبب مظاهرة أنا أساسًا وزملائي في مجموعة لا للمحاكمات العسكرية للمدنيين اللي داعينلها. رغم كدة أنا وهم أخدنا إخلاء سبيل وباقي الشباب في السجن.. الحرية لهم".