قال وائل خليل الناشط السياسي والمدون إن أخطر شيء في ممارسات الرئيس مرسي هو حفاظه علي عقلية وطريقة النظام القديم، وأكد خليل أن مشكلة المائة يوم هي أن العقلية هي هي «وكذلك» البيروقراطية اللي بتقول إن كل حاجة كويسة .. كتير من اللي بيقوله النظام دلوقتي لو خدناه ورجعناه سنتين للوراء هتلاقي هو هو الكلام مش هتفرق كتير، وقال : «لو الرئيس أعتقد أنه يستطيع احتواء النظام القديم فهو مخطيء، النظام القديم هو الذي سيحتويه.. اللحظة التي حظي فيها مرسي بأكبر تأييد هي عندما واجه المجلس العسكري لأن الناس شعرت أنه الرئيس المنتخب، وعلق خليل علي التحالفات السياسية بين الأحزاب قائل: إنها «شيء منطقي.. وده هيخليهم أقوي» وحذر من التحالفات السياسية التي تبني نفسها علي أساس معارضة الإخوان، «ده أخطر شيء لأن مجرد معارضتهم للإخوان لن يخلق لها الزخم الشعبي، أنت بتدافع عن إيه؟ أظهر الناس أنك عندك رؤية أفضل من السلطة اللي هي في حالة أكثرية».