قال الرئيس الأسبق حسني مبارك في حديث مع محسن سميكة الصحفي بالمصري اليوم، أذاعته قناة "الحياة" ضمن برنامجها "الحياة اليوم" مساء أمس الأربعاء: إن السيسي هو الوحيد الجدير بحكم مصر، وإن حمدين صباحي لا يصلح رئيسًا. وفي المقطع التسجيلي للرئيس الأسبق حسني مبارك مع سميكة، قال إن عبد الفتاح السيسي هو المرشح الوحيد الذي يصلح لرئاسة البلاد، مؤكدا أن حمدين صباحي لا يصلح لهذا المنصب على الإطلاق. وجاء الحوار بين سميكة ومبارك كالتالي: - سميكة: إيه رأيك في السيسي؟ = مبارك: مفيش غير السيسي - سميكة: إحنا خايفين على ولادنا من رد فعل الإخوان.. = مبارك: أنا حذر جدا في الحكاية دي.. أمريكا بتقول مش هنديكو طيارات من غير الإخوان، عايزين يركعونا، حاولوا معايا قبل كدة وتربست وكنت برفض. - سميكة: بس قطر كده بتتحاصر وبريطانيا بتمارس ضغوط؟ = مبارك: كلهم بيدوروا على نفسهم ومصر باقية والأمير بتاعهم بيروح أمريكا ويقعد تلات أسابيع لحد ما يقابلوه، والخليج بيدعمنا بس لازم نشتغل - سميكة: ورأيك في مشروع قناة السويس؟ = مبارك: أنا باسمع عنه طراطيش كلام، بس قناة السويس اللي كان الإخوان عاوزين ياخدوها ويدوها لمستثمرين يهود بباسبورات أمريكي، طب ما تيجي خليج السويس ولا السخنة إشمعنى الضفة الشرقية؟ - سميكة: ورأيك في صباحي؟ = مبارك: مفيش فايدة منه ومينفعش، إزاي يبقى رئيس، يا ريته زي عبد الناصر إنما ده كلام مزيكا. - سميكة: تعرف إن في ناس كتير عملتلك ولجمال توكيلات؟ = مبارك: أنا خلاص تعبت أنا بشتغل بقالي 62 سنة منهم 30 سنة حروب - سميكة: وكان عندك راجل اسمه حبيب العادلي مسك البلد من حديد.. = مبارك: طبعا بس كل واحد بيدور على نفسه - سميكة: أنا هانتخب السيسي.. = مبارك: السيسي الوحيد اللي على المسرح وأصلح واحد.