حوار : عمرو عاطف هل يمكنكم تخيل شاب قضي سنين من عمره يحلم بفتاه حياته ويحبها .. وبعد أن هيأت له سبل الارتباط وبداية حياة سعيدة يذهب بنفسه لكي يستشهد في سبيل وطنه .. لأنه الشهيد الشاب حسين طه مواليد سنه 1992.. شجرة عالية تطاول السماء وتحرق نفسها حتي تنير طريقنا .. مما جعلنا نكتب هذا الحوار مع خطيبته .. في البداية قالت اسماء : حسين علمنى كتير اوى .. كانت اخر كلماته على صفحته بالفيس بوك كتبها فجرا قبل نزوله هى الايه التى تقول بسم الله الرحمن الرحيم (وَاعْتَصِمُوا بِحَبْلِ اللَّهِ جَمِيعًا وَلا تَفَرَّقُوا وَاذْكُرُوا نِعْمَةَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَانًا وَكُنْتُمْ عَلَى شَفَا حُفْرَةٍ مِنَ النَّارِ فَأَنْقَذَكُمْ مِنْهَا كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَهْتَدُونَ ) صدق الله العظيم [آل عمران: الواقع .. عرفينا بحسين طه ؟ - حسين كان شاب بسيط وهادى جدا وخجول ولديه كرامة شديدة ، مكنش بيحب الكذب ولا اى حاجة وحشة خالص ، رغم سنة الصغير كان بيقدر المسئولية وكأنه راجل كبير ، معروف في منطقته بحب الخير ومساعدة الناس اللى ميعرفهمش ، باختصار اعظم راجل ممكن تعرفه - صفات حسين اللى عرفتيها عنه ؟ - هو كان راجل مش جبان خالص بيحب الرياضة ، ضحكته كانت حلوة اوى ، وكان بيحب يكون ليه دور فى اى حاجه هو فيها - يومه العادى كان عامل ازاى وبيعمل ايه فيه ؟ - كان بيحب ينام 12 ساعة فى اليوم وبعد كده كان يصحى يكلمنى ويمارس حيانه الطبيعية .. ويكلمنى يطمن عليا قبل ما ينام - ايه هي احلامه وطموحاته ؟ - كان حلمه انه يلعب فى نادى الزمالك ويلبس تى شيرت النادى ويكتب عليه اسمه وكان نفسه يبقى وكيل نيابة لينصر الغلابة .. - ليه نزل شارك فى الثورة ؟ - عشان هو كان حابب يعمل حاجه يوم 25 وزعلنا مع بعض شويه عشان مينزلش وبرده نزل وبما انه شخص حساس فرجع تعبان جدا من اللى شافه واثر انه ينزل تانى - ازاى عرفتوا بانه استشهد ؟ - يوم 28 اللى استشهد فيه اتخنقنا برده وقالى يا اسماء انا نفسى اموت شهيد وعارفه يعنى ايه شهيد وبصراحه انا بعد اللى شوفته يوم 25 انا لازم اعمل حاجه تغير البلد دى .. الله يرحمه - ايه احساسكوا ان حسين اصبح بطل من ابطال مصر اللى هنفتخر بيهم دايما ؟ - اهله عرفوا انه استشهد يوم 31 يناير لانه مروحش البيت بقاله 3 ايام وطبعا كانوا هيموتوا عليه عايزين يعرفوا هو فين ، ولما راحوا المشرحة وشافوه وعرفوا انه اخد رصاص فى صدره ومات شهيد .. الناس كلها فرحانه به اوى اوى بس مامته تعبانه جدا مش قادره تعيش وهو بعيد عنها وفى نفس الوقت فخوره بيه .. انا بقى مش عايشه اصلا بس المهم هو يكون مبسوط - لو لقيتى حسين قدامك دلوقتى هتقوليله ايه ؟ - لو لقيته قدامى هاقوله انت علمتنى يعنى ايه راجل وعلمتنى ان الراجل مش بلبسه ولا بشكله الراجل انه يحس ان كل حته فى ارض البلد دى هى شرفه وان القرب من ربنا مش بالصلاه والصوم بس لا بنظافه القلب كمان ... الله يرحمه نرجو قراءه الفاتحه والدعاء له ولكل شهداءنا المصريين الذين ضحوا من اجلنا