عطرتُ حروفى بالصفا لقيتُ حروفى كلها بتصلى جماعة فى الحرم مابين السجدة وأختها بتبكى ونازل دمعها رافعة إيديها لربها رب الخلايق والنعم يارب شربة من إيديه مانعرفش بعديها الظمأ يارب نور نمشى فيه ونفرق بين صح وخطأ يارب رؤية فى المنام وركعتين جوه المقام ياربُ.. يارب السلام دواينا من عبرات الألم وافش السلام بين القلوب قبل شمس ف الغروب وامسح قلوبنا م الذنوب وكسر جوانا الصنم يارب زيارة لكعبتك وصحبة كريمة بجنتك يارب اشملنا برحمتك بشفاعة نبيك المصطفى عطرت حروفى بالصفا وناديت على الحب لا الجفا لاقيت حروفى كلها بتصلى جماعة فى الحرم