عاملة حداد يا زهرة بلدى عاملة حداد على مين ؟ على اللى ماتوا كبار فيكى ولا ماتوا صُغيرين فى ماتش كورة يروح يشجع بدل الجدع سبعيييين عيال تروح علشان تتعلم يموت من منهم خمسين ورجال بتحرسنا على حدودك قتلوهم وكانوا صايميين عاملة حداد يا بهية عاملة حداد على مين ؟ وانا كل يوم فى بلدنا شايفة الرجال شايلين فوق الكتاف النعوش بيضا وعالقبور رايحين والتُربى ماسك فاس وهيحفر يحفر لمين ولا لمين؟؟؟ واحنا بنبكى بدال الدموع دم عالعيشين والميتين عاملة حداد يا زهرة بلدى عاملة حداد على مين ؟ شكل الحداد هيطولويطول وهيبقى سنين وسنين حطى خلاص الشريطة السودة واعلنى حالة التأبين على اللى ماتوا يا بلدنا واللى كمان فيها عايشين عاملة حداد يا زهرة بلدى عاملة حداد على مين؟؟؟ كلمات /// ( شاهندة الزيات ) . . .شاعرة القلوووووووووب