عرفت أنسان م الدنيا زهقان جوه قلبه انطفىَ الفرح من زمان . طيب اووي غلبان من صغره شئيان شايل هم غيره ولا حد بيرد جميلُه ولا عنده حد يشكيله ومن جواه تعبان . وتشوفه تقول مَتكبر ،، ويضحك ويلعب ويهزر و من جواه راضي ،، طفل صغير هادي ،، بيسَبح ويكَبر . ولما سألتُه ازاي !! قالي محدش للحزن بيقَدر ولا للاحلام مَصدر ،، ولا ل دمع العين هيكَشر كلُه عند ربك مكتوب ومقدر . قولتله بس الشيله تقيله خف الحمل يمكن انا اقدر . قالي الظُلم ليلُه طويل ونهاره عَليل اخاف اظلمك وجوه حلمك اسجنك ومكونش انا إل يسعدك . نَزلت من عيني دمعه حَاولت اداريها حس هو بيها قالي متصعبهاش علياَ لو ربنا رايد هتكوني ليا يلا بقي اضحكي واختاريلك هديه .ُ واخترت هديه قلب نص حرف ليِه والنص التاني ليا . ومشيت وودعته و سبت قلبي عنده يونسُه ويشكيلُه و في كل صلاه بدعيلُه ياخد من عمري ويديله وهعيش علي امل الأيام تجمعنا تاني ،، وابقي دنيتُه وشمس نهاره وقمر ليلُه