أنا كنت ماشى فى يوم .... وحدى كده لحالى .... لقيت واحد بينده .... بيقول أنا حاوى .... وإللى منى عايز طلب .... راح يشوف عندى العجب .... عندى الحلول كُلها .... بأمر رب السبب .... و لجراحكوا راح أداوى ... مش قلتلكتوا أنا حاوى ... أنا قلت إيه حجتك ...؟؟؟ قاللى أصل أنا غاوى .... أطيب قلوب الناس .... بقصص و عِبر فى حكاوى ..... *إللى يتمنى سلطة .... وعاوز يبقى بيه .... راح أقوله على الخطه .... ويحضر كام جنيه ... و يملى كمان شنطه ... فيها واحد صحيح .... وجنبه كام نقطه ... و من بُكره يبقى تمام .... مضروبله تعظيم سلام .... *وإللى عايز فلوس .... راح أقوله سر خطير.... يكسب بيه النفوس ... وده هو أصل الخير .... ما يشهد غير بالحق .... وما ينطق غير الصدق .... * و إللى عايز بنون .... دا بأمر رب الكون .... صحيح الدوا عندى .... لكن ده بأمره وحده يكون .... ما أنا برضه على أدى .... وربك هو الكريم ... وقادر كتير يدى ... *** إللى عايز بقى .... أكيد صحيح يكسب .... من ربنا وفى خشوع ..... يجى هنا يقرب .... و ينسى متاع الدُنيا ..... ويطمع أوى فى الدين ..... وده أبقى من حاجات تانيه ..... بتروح فى غمضة عين ..... وده كله بأمر الله ...... و ببركة دعا الوالدين .....