مش عارف أصرخ م الأحزان فين حلمي الضايع في الأوهام عمال بتألم في الفنجان لما الناس حوليه بتحكُم علي صوتي بإعدام في الأحكام أقرب ناس زرعوا الأشجان كدب وزيف وضمير تعبان مش خايف من موتي بطعنه من إيد مدتلها كل حنان أنا خايف من ناس حبيتها وقضيه حاربت عشان بيتها وبلد كان عمري في لمتها وسنين بين صِدري في صُحبتها ترضالي المُوت بين سِكتها تحرمني الحق المتسطر وبتقسي عليه وتتشطر أنا شايف عمري معاها زمان وصحاب وجيران وسط الأحزان كم واحد ناكر لحياتي كم قاتل يقتل رسالاتي علشان إنسان الوش المالح مش صالح بيقسم حلمي ابن إمبارح بين الغربان طب ليه يا بلادي غدرتيني خليتي الظالم يكويني والله يا دنيا هتبكيني لما أرحل يوم ما توديني وافتكري زمان كنت المحتاج ما فهمتيني وطحنتي حروفي وبعتيني عليتي الفاسد بعتيني بين البركان