منذ عده سنوات كان المصريون البسطاء يطلقون على مرض السرطان المرض البطال و الفئه الاكثر رقي تتطلق عليه المرض الخبيث .... و كنا عندما نسمع ان شحص ما مصاب بالمرض البطال " و العياذ بالله " كما كان يقال حينها نضرب كف على كف و نتسأل منين جاله ده ؟؟؟ اما الان فاصبح السرطان كالانفلونزا كل يوم نسمع عنه حاله او اكثر من المصابين به حولنا .. بل و اصابتنا حاله من التعود او التبلد كما تودوا تسميتها انه اصبح خبر عااادي جداا مثل أي خبر نسمعه يوميا و طبعا البركه في حكومتنا النظيفه و الحبيبه العادله ... التي لا تقبل ابدا ان تحرم شعبها من شيء فالفاكهه موجوده و جميع فصول السنه يعني المانجه بقت تتطلع في الشتا و البرتقال في الصيف و حاجه زي الفل و كل ده طبعا بفضل الملقحات و الكيماويات المسرطنه التي يستخدمها المزارعون و التي تصرح بها الحكومه ... فالشعب المصري مع كل الفخر يااااكل الزلط و ناهيك عن اللحوم المستورده اللي طالع روحها في السكه على بال ما توصل و الاسماك المثلجه المستورده من فايتنام و التي ثبت وجود بقايا لمواد ذريه خطيره و بالرغم من كده فهي موجوده بالسوق اكتر من الهم على القلب ... و الناس الغلابه يا عيني بتشتري ... ايوه بشتري و هي عارفه كويس كل الكلام ده ... فالحمد لله الفضائيات مخلليتش حد مش عارف حاجه ... بس الناس حتعمل ايه عايزه تسد جوعها و جوع ولادها نفسها تاكل لحمه و فاكهه زي كل البني ادمين .. و نفسها تعمل بميدأ هين قرشك ولا تهين نفسك ... بس هو فين القرش ده لأ و الاكثر استفزازا اعلانات مستشفى السرطان اللي بتيجي بين كل اعلان و اعلان ... و كأن الحكومه عايزه تريح ضميرها ... ايوه يعني هي اللي جابتلنا الداء و بتدينا الدواء بس احنا اللي ندفع ثمنه و نتبرع بيه يعني منكم و اليكم .... و السلام عليكم