فيديو كليب هوصل اجرى الحوار : عمرو عاطف هومخرج شاب .. صاحب فكر جديد .. عمل مخرجاً لبعض البرامج كما اخرج افلام قصيرة .. وقد اخرج موخرا كليب "هاوصل" الذى حقق نجاحا كبيرا بين الشباب ليس لانه مجرد كليب عادى بل لانه كليب شبابى فكرته جديده تشجعهم وتحمسهم على ان يحققوا احلامهم.. كما يقوم بتحضير اعمال اقوى .. انه المخرج الشاب محمد مجدى - جت منين فكره الكليب .. هى الفكرة اصلا بتاعت هيثم , هو حب يعمل حاجة جديدة .. مش لازم كل الاغانى تبقى رومانسية ودراما وكدا.. فى حاجات كتير فى حياتنا ممكن نتكلم عنها .. وهيثم اتكلم عن حاجة بتمس كل الشباب .. وكمان جمهور الصفحة الخاصة لهيثم على الفيس بوك طلبوا منه اغنية خاصة بهم بعد ان وصل عددهم الى اكتر من 120 الف شخص فقرر هيثم ان تنزل الاغنية الاول فى الصفحة وبعد كدا تنزل فى كل مكان وبعد ما خلص تسجيل الاغنية كلمنى وبدأنا نحضر للكليب - كنت متوقع النجاح الكبير اللى حصل للكليب ده خاصه انى شباب كتير اوى عجبته الفكره والحماس الموجود ؟؟ بص .. هو النجاح دا بتاع ربنا وحده .. احنا بنعمل اللى علينا والباقى على ربنا .. والحمد لله انها عجبت كل الناس لان موضوع الاغنية زى ما قولتلك بيمس كل الشاب الايام دى . - ايه رايك فى الاغانى الحماسيه زى كليبك ده او الدينيه هل تقدر تنافس الاغانى الرومانسيه اللى اصبحت موجوده فى كل مكان وكل وقت ؟ الاغانى الحماسية او الدينيه طبعا ليها تأثير كبير على الناس لانها ليها هدف .. واكيد طبعا تنافس الاغانى الرومانسية لان معظم جيل المطريبين دلوقتى كلهم بيتكلم فى موضوع واحد وهو العلاقة بين اتنين .. سواء كانت الاغنية رومانسية او دراما او اى كان موضوعها .. نادرا لما تلاقى حد وظف دا فى شكل جديد من حيث الكلمات والالحان والتوزيع الموسيقى .. والشاب دلوقتى محتاجة الجديد لان ثقافتهم الموسيقة تطورت واتغيريت .. فاكيد الاغانى الحماسية او الادعية الدينية بتنجح مع الناس - بدايتك فى عالم الاخراج ؟؟ بيدايتى فى عالم الاخراج كانت من 7 سنين ... درست اخراج كادراسات حرة ... وبعد كدا دخلت سوق العمل وبدات اخرج حاجات واكتسب خبرة .. كا افلام قصيرة او برامج تليفزيونية ... الخ - ايه رايك فى الافلام المصريه خاصه انى السينما اصبحت عرض وطلب ؟؟ والله الافلام المصرية مش كلها بتعجبنى .. نادرا لما اشوف فيلم يعجبنى .. لان احنا بئه عندنا فقر فى الورق .. ومعظم افكارنا بنخدها من برة .. دا غير طبعا افلام المقاولات اللى بتنرفزنى اللى مش ليها اى هدف ولا بتحكى عن اى حاجة .. بس انا شايف دلوقتى ان الجمهور بدا يفهم ومش اى فيلم يعجبه حتى لو كان مين بطل الفيلم .. بس المفروض احنا كاصناع سينما نحاول نطور من افكارنا والامكانيات اللى نقدر نعمل بيها حاجة ننافس عليها وبقوة افلام هوليود ... - ايه هى احلامك المستقبليه ؟؟؟ انى آخد اوسكار واحدة بس .. - رايك فى المغنى هيثم نبيل خاصه انه خامته مختلفه عن مطربى جيله ؟؟ امممم .. هيثم نبيل .. بعيدا عن ان هيثم صحبى واخويا الكبير بجد .. هيثم من انجح واذكى المطربيبن الشباب اللى موجودين دلوقتى ودا بان بعد نجاح البوم الاول كملنا بعض وقبلها كان 3 اغانى سينجل يافراق .. ومكنتش قدها .. وكان كلامى لان هيثم مطرب موهوب فعلا ويتميز بصوت حلو وقوى .. دا غير انه عنده حس فنى قوى جدا وبيقدم اشكال موسيقى جديدة ومختلفة .. زى ما قدملنا فى كل اعمله السابقة والبومه الاول .. وهيثم لسه عنده حاجات حلوة جدا كتير - احكيلنا عن اعمالك القادمه ؟؟ انا لسة مخلص تصوير كيلبين للمطرب شادى حسن ودلوقتى احنا فى مرحلة المونتاج ، شكرا جدا ليك ياعمرو وشكرا لجريده الواقع
