حوار بين إتنين

- تعرف إنك مش ذكى.
- ليه؟!!
- لأنك سمحت لواحد زى دا يحقق هدفه بسهولة.
- إزاي؟
- هو أنا لسه هشرحلك كمان؟
- طب و إية المشكلة؟؟
- لاء دا فيه مشاكل كتير ، و أنا دماغى مش خالصة الوقتى ،، إنت عاوز وقت أكون رايقلك.
- خلاص ، حدد الوقت و انا تحت أمرك و يشرفنى إنك تطلعنى على عيوبى.
- يووووووووووة ، إنت هتجننى.
- لية هجننك؟؟ هوا أنا قلت حاجة وحشة لا سمح الله؟
- ياعم هو كدا و خلاص . و أسكت بقا؟
- حاضر، بس أنا معملتش حاجة!!
- تعرف تمشى دلوقتى من قدامى؟
- لو دا هيريحك ، هعمله؟
- أة هيريحنى ، يلا إمشى؟
- ياسيدى همشى بس ممكن أفهم لية؟
- إمشى و خلاص.
- من غير سبب؟!!
- أه من غير سبب، إمشى بدل ما أطردك.
- تطردنى؟!!!
- أة ، أطردك ، هوا أنت فاكر نفسك إيه يعنى؟؟
- مش فاكر نفسى حاجة غير إنى شخص عادى زيك و زى باقى البشر.
- إنت كمان عاوز تبقى زيي؟!!!
- هو فيه فرق؟
- أة ، طبعاً فيه فروق.
- طب ممكن تقولى واحد منها؟
- لاء مش قايل.
- لية مش هتقول؟
- لأنى مش هضيع وقتى معاك.
- هو حضرتك مشغول؟
- إنت يعنى مش شايفنى!!!
- طبعاً شايفك.
- خلاص لما انت شايفنى مش عارف تميز؟؟
- مين قالك إنى مش عارف أميز؟؟
- لو عارف مكنتش سئلت.
- بس أنا عشان عارف سئلت؟
- عارف إيه؟
- عارف اللي شايفة.
- شايف إيه؟؟
- شايف كتير و للأسف حضرتك مش شايفه.
- زى إيه؟؟
- للأسف مش هنقدر نكملل الحوار فنكمل بعدين.
- لية؟؟
- لأنك مشغول.
- لاء ، مش مشغول.
- بس إنت لسة حالا قايل مشغول.
- خلاص فضيت.
- للأسف حضرتك انا مش فاضى دلوقت، بإمكانك معاودة زيارتى فى وقت أخر، و نكمل مناقشتنا.
- ليه؟؟
- لأنى فى إنتظار ضيوف أخرين.
- فين؟
- هنا فى بيتى؟
-هو احنا فى بيتك؟
- طبعاً.
( فإنتفض من مكانة ململماً أطراف ثيابة فى طريقة للخروج).
ما سبق هو فقط حوار بين شخصين و أترك لكم إدراك الفارق بين الشخصيتين .
و أخيراً:-
لا تناقش الناس على أسس غير متساوية ، فربما يفقدك كِبرك بعضاً من الحقائق حولك.