انا مطلقه وبعلنها ... لولاء عزوز

معنديش حاجة اخاف منها
ياللي عايرتوني وقولتولي اني مش تمام
ممكن اي حد فيكم يبقي في نفس المكان
هو انا ذنبي اني غلطت في العنوان
ورجعت من تاني ادور علي الامان
مانا زيي زيكم أنسان نفسي افرح
واحب واعيش كمان
لية بتحطوني في خانة الاحزان
لما يحسني قلب يقولي عيشي معايا في الكتمان
انا يوم ماحب واعيش لازم اعمل اعلان
انا بقولها لكل انسان اوعي تستحي من حاجة مش حرام
بلاش تحكم نفسك بعادات مش تمام
الفها وصدقها الانسان
دانت بشرع الله في امان
وبقول لكل امرأه جار عليها الزمان
وحرمها من احساس الامان ارفعي راسك لفوق
انتي صح ومش حرام وحقنا هنخده وهنعيش كمان
الحياه حرية مش سجن من عادات ملهاش اساس من سنه ولا قرأن
انا انسانة وهعيش وهاخد حقي وليا في الدنيا مكان
المطلقه ليها شأن وكيان
لانها بتواجه وبتعيش من رغم غدر الزمان
بتعيش وشايله في قلبها الام واحساس بوحده
لانها ملهاش انسان يشيل عنها ويشركها في فرح واحزان
وبتعيش بس من حقها تحس انها انسان
امانة عليكم بلاش تجرحوني
ولو مش قادرين تفرحوني
ابعدوا عني وسيبوني
انا قولتها ومش هدريها
انا مطلقه ومعنديش حاجة اخبيها