قالت سارة طارق أرملة الفنان سعيد طرابيك، إن هدفها ليس الميراث أو أمواله، وإنما هي وفاته بعد زواجهم ب 3 أشهر فقط. وتابعت خلال لقائها مع الإعلامي "وائل الإبراشي" ببرنامج "العاشرة مساء" المذاع على فضائية "دريم": "اللي زعلني أني ملحقتش أفرح اللي قهرني أنهم حزنوا جوزي واستكتروا علينا الفرحة .. الميراث بتاع ربنا .. ربنا مش مشرع أن الولد ياخد كل حاجة والزوجة تطلع برا". وأضافت "هتكلم عن حقي القانوني والشرعي .. ومش هسيب حق جوزي في إيصال الأمانة .. غير التشهير بيه في كل مكان ومش هتنازل عن حقي لابنه .. كمان الفلوس كلها معاهم". واستطردت قائلة "قبل ما يموت بأسبوع كان عايز يعمل نضارة نظر .. الفيزا بتاعته فيها 300 ألف جنيه .. ولما جه يسحب لاقى حسابه فيه 22 ألف جنيه ". وتابعت "منذ 3 سنوات توجه سعيد لأداء فريضة الحج، وفرضت عليه طليقته بأن يحرر لها توكيل، فاكتشف بعد ذلك أنها سحبت من حسابه الخاص". واعترفت بأن سعيد طرابيك كتب لها بعض ممتلكاته منها المنزل والسيارة، مؤكدة أنها لن تتنازل عن حقها في الميراث. الفيديو..