روى الإعلامي أحمد موسى، تفاصيل الاعتداء عليه أثناء تغطيته لزيارة الرئيس عبد الفتاح السيسي للعاصمة البريطانية لندن. وقال موسى، خلال برنامجه "على مسئوليتي" المعروض على فضائية "صدى البلد"، "احنا مبنخافش ومحدش يخوفنا ودي المواقف، فين الجدعنة، دي اللحظات اللي بتبقى مهمة أوي، اللحظة دي كان الكل لازم يبقى هناك". وأضاف الإعلامي، "كنت اتمنى من المهندس محمد الأمين مالك قنوات "سي بي سي" وعلاء الكحكي مالك "شبكة تلفزيون النهار" والمسئولين عن غرفة صناعة الإعلام إصدار بيان يدين فيه الاعتداء عليه، خاصة وأن "صدى البلد" عضو في الغرفة". ووجَّه رسالة إلى محمد الأمين، قائلًا فيها "صحصحوا شوية كده وطلعوا بيان لو انتوا عايزين تطلعوا بيان، ونقابة الصحفيين بردوا كان نفسي تطلع بيان ما أنا صحفي وكنت عضو مجلس النقابة بعد الاعتداء الغاشم ومحاولة إخراس الإعلام الوطني". وأوضح "لا عملوها وأنا في فرنسا السنة اللى فاتت ولا المرة دي، طب نسيتوا فرنسا، طب ولندن ولا أنتوا ناس وناس، هي الغرفة دي تبع مين، هل بتطلع بيانات ل"سي بي سي والنهار" بس ولا الغرفة دي بتتحدث عن الإعلام المصري بغض النظر عن انتمائه". وتابع "الشرطة البريطانية، ألقت القبض على الإرهابي الجاني، وقاموا بسحله، ومش هسيب حقى سواء في مصر أو خارجها". الفيديو..