تنوعت الهتافات في ميدان التحرير في ليلة أمس التي كانت أول ايام الاعتصام الجديد داخل ميدان التحرير بعد المشاركة في جمعة الاصرار للتأكد علي مطالب الثورة ومن بينها : "حسني مبارك ساب القصر..ولسه كلابه بتحكم مصر" "يا طنطاوي قول لعنان..لسه الثورة في الميدان" "يا طنطاوي قول لعنان..مش عايزين رئيس أركان" "مش عايزينك يا داخلية..هنقضيها لجان شعبية" "يا مبارك يا جبان..كل محاكمة عامل عيان" "يا مبارك مش هنسيبك..لسه فلوسنا جوه في جيبك" "المحاكمة المحاكمة..العصابة لسه حاكمة" "المحاكمة الحقيقية..مش تواطؤ علي القضية" "متعبناش متعبناش..الحرية مش ببلاش" "يا شهيد نام وارتاح ..هنحاكم لك السفاح" "مش عايزين فلوس..بيننا وبينهم دم" "الشعب يريد تطهير القضاء" "يا ثوار أرض النيل ..الحرية طريقها طويل" "يا شهد وين ما تروح..دمك والله ما بيروح" "اعتصام اعتصام..حتي يسقط النظام " ياللي قتلتم الثوار..بيننا وبينكم دم وتار" "اللي شايف نفسه كبير..لسه الثورة في التحرير" "متعبناش متعبناش..حق الشهداء لسه مجاش" "يا عصام يا وزير...رجعنا تاني للتحرير" "وحياة دمك يا شهيد...يوم اعدامهم يوم العيد" "يا عصام يا عصام ...ياللي جيت م الاعتصام..اللي بيحصل ده حرام" "علي وعلي وعلي كما...عمر المصري ما كان جبان" "دم اخواتنا مش ناسيين...للتحرير تاني راجعين...هي موتة والا اتنين" "علي صوتك يا ابن الشعب...مش هنعيش من تاني في رعب" "ارفع كل رايات النصر...الحرية جاية لمصر" "يا حرية فينك فينك...في الميدان مستنيينك" "هي حدود اسرائيل...ده ميدان التحرير" "التحرير كان اسم ميدان...أصبح للشهداء عنوان" "وحياتك يا بلدي...أزمة وهتعدي" "هي ثورة مش هزار..مش بنلعب قط وفار" "لينا حق لازم نجيبه...دم اخواتنا مش هنسيبه" "اغضب اغضب اغضب ثور..خلي بلدنا تشوف النور" "يا مصر ما انتش ولية...دا انت أمد الدنيا ديه" "يا داخلية جري ايه...نسيتوا يناير ولا إيه" "دول عاملين رجالة...دول في الثورة كانوا عالة" "قالوا علينا بلطجية...واحنا طلبة جامعية" "يا اعلامنا يا مزور...انزل ع الميدان وصور" "قالوا علينا شباب كنتاكي...واحنا يا مصر روحنا فداكي" "يا الله يا الله..حرر مصر من الطغاة".
