دخل الإعلامي مظهر شاهين فى مشادة كلامية على الهواء، مع أحد المتصلين ببرنامجه "الطريق" علي قناة "التحرير" عصر اليوم السبت، وذلك لخلافهما حول عودة جماعة الإخوان الإرهابية إلى الحكم مرة أخري. وقال المتصل ويدعى "عبد الستار" موجها حديثه لمظهر: "عيب عليك، أنا عايزك تحترم نفسك، وشخصيتك، انتخبات إيه اللى انت بتتكلم عنها، وبالنسبة للدم والناس اللى اتقتلت دي؟" فقاطعه شاهين: "دم الشرطة ولا الإخوان؟!". وأكمل المتصل: "أنا قبل كدة كنت شايفك فى ميدان التحرير وكنت واقف مع الإخوان، ودلوقتى الإخوان بقوا إرهابيين ووحشين؟"، فقاطعه: "كنت واقف مع الإخوان خليها على جنب، إنت مقاطع الانتخابات ليه؟"، فرد المتصل: "إن شاء الله الإخوان راجعين راجعين بإذن الله"، الأمر الذى استفز مظهر شاهين ودفعه للرد: "عند أم ترتر يا حج عبد الستار" وأضاف: "الإخوان راجعين؟ دا أنتوا بتحلموا". شاهد الفيديو: