النهاردة أول يوم العيد.. لازم الخرفان تندبح علشان الشعب يضحى ويبقى «عيد سعيد» !! حلمت اللهم اجعله خيراً.. أن الرئيس المعزول «مرسى لجلج» لابس حديد فى حديد.. وواقف فى قفص المحاكمة وهوه بيصرخ ويقوووووول: «هاتونى رئيس»!! جناب الكومندا المهم رئيس حكومتنا «الببلاوية» لازم يظهر «العين الحمرا» مع الجماعة المحظورة.. وإلا نطالبه بالرحيل ونقول لوزراء حكومته: «استقيلوا يرحمنا ويرحمكم الله»!! بصراحة والصراحة راحة.. المتغطى بأمريكا «عريان».. والمتغطى بالإخوان «خسران».. والمتغطى بالسلفيين «حيران»!! قيادات الجماعة المحظورة احتفلوا بالعيد على «بورش طرة».. عقبال ما نسمع قريباً أغنية «الرئيس.. بتونس بيك»!! م الآخر.. قطع المعونة الأمريكية عن مصر «مناورة مكشوفة» والشعب لن يرضخ لتهديدات ولاد الإيه الأمريكان!! سؤال محيرنى: الإخوان عاوزين إيه؟! نفتكر عاوزين يلعبوا بالحديد والنار ولا عاوزين يشعلوا البلد نااااااار؟! أول القصيدة كُفر.. وآخر القصيدة اللعنة والحسرة ل «الإخوان»!! من النهاردة مفيش خرفان.. أصلهم اندبحوا فى عيد الضحية.. تسلم سكاكين الأيادى!! فى ذكرى زلزال 92: مصر تعرضت لهزة أرضية 6.8 بمقياس «ريختر إرهاب الإخوان»!! قانون التظاهر بديل للطوارئ.. والاعتصامات ممنوعة.. والحرية تبقى كده فى خبر كان ومان!! مناورات حزب «النور» السلفى فى لجنة «الخمسينة» لصياغة الدستور «لعبة سياسية مكشوفة» العبوا غيرها فى النور!! الفريق «السيسى» بقى بطل شعبى فى قلوب المصريين.. يكفى خلصنا من حكم الإخوان وكشف عنهم الهوان.. عاوزينك تكمل جميلك يا ريس!! بعد ثلاثة أشهر.. معظم وزراء حكومة الكومندا المهم حازم بيه الببلاوى طلعوا مبيعرفوووووش!! دعاء الحجاج على جبل عرفات: اللهم أهلك الإخوان وحلفاءهم الظالمين وأخرجنا من مؤامراتهم الدنيئة سالمين.. قولوا: آميييييين!! آخر شوكشة الإخوان مخهم متركب شمال.. أصل كلهم شمال يا صاحبى!!
