دعا نشطاء على الفيس بوك الشباب العاطلين للاعتصام يوم الخميس القادم الموافق الأول من يونيو، أمام مجلس الوزراء، حيث ستنطلق جموع العاطلين من أمام مكان التجمع أمام مجمع التحرير إلى مبنى المجلس فى تمام الساعة 12 والنصف، تحت شعار:" طول ما أنا عاطل يبقي إنت باطل" . يذكر أن النشطاء دشنوا صفحة على الفيس بوك استطاعت جذب 3,247 عضو حتى الآن، ومن جهتهم قال أصحاب الدعوة للاعتصام على صفحتهم على الفيس بوك: " قومنا بالثورة وفى الآخر ضحكوا علينا ونسيوا العاطلين عن العمل، بقت كلها احزاب وجماعات وعقود مؤقتة عاوزة تتثبت، ومرتبات عاوزة تزيد، طيب والعاطل يعمل إيه؟، لذلك، لكل العاطلين تعالوا نتحد مع بعض ونشوف حل فى البطالة، من أهم طلبات ثورتنا من أول يوم، كانت تحقيق العدالة لاجتماعية و حل مشكلة البطالة، وإعانة شهرية للعاطلين عن العمل، ضحكوا علينا وقالوا: ابعتوا جوابات لوزارة المالية و طبعا كل جواب بتشترى طابع بريد بجنيه، وكتير مننا كان بيبعت اكتر من 5 جوابات ويدفع 5 جنيهات طوابع بريد، لموا من كل عاطل جنيها تقريبا، ياترى لموا كام مليون جنيه ؟؟؟؟ وفى الآخر ولعوا فى طلبات العمل بتاعتنا، يا وزير المالية قولت ابعتوا طلبات وبعتنا، الدور عليك تنفذ وعدك".