هاجم أحد المواطنين المتواجدين امام مكتب النائب العام المحامى عصام سلطان رئيس حزب "الوسط" اثناء تواجده للتحقيق معه فى تهمة اهانة القضاء. وقال المواطن لعصام سلطان: "القضاء اللى بتهاجمه هو اللى وصلك للى انت فيه انت وحكومة قنديل ومحمد مرسى"، ووصفه باللغة الانجليزي بأنه "مجرم". واضاف المواطن موجها حديثه لوسائل الاعلام: "صوروا الكدابين والدجالين، صوروا محمد مرسى صاحب مشروع النهضة اللى راح بنى السد فى اثيوبيا علشان يعطش الشعب المصرى، قال النهضة فى مصر بس جاله حول، صوروا الكذاب اللى استقبله وزير الزراعة ووزيرة الرى". واستطرد في هجومه على سلطان قائلا: "لو كنت راجل هات عدد الشهداء اللى عملوا الثورة اللى وصلتكوا للى انتو فيه".