أثار المطرب والملحن حسام حبيب جدلًا واسعًا، بسبب تصريحاته المفاجئة عن أزمته مع طليقته شيرين عبد الوهاب، ودفاعه عن نفسه بعد الاتهامات التي وجهت إليه واعتداء شقيقها عليها بالضرب واحتجازها بأحد المستشفيات النفسية للعلاج من إدمان المخدرات الذي كان سببه حسام. اقرأ أيضًا: "يا انا يا المخدرات".. حسام حبيب يفجر مفاجئة عن إدمان شيرين (فيديو) خرج حسام حبيب عن صمته وفجر العديد من التصريحات الصادمة عن علاقته بطليقته شيرين عبد الوهاب، وذلك خلال مداخلة هاتفية مع الإعلامي عمرو أديب ببرنامج "الحكاية" المُذاع عبر قناة إم بي سي مصر. أبرز تصريحات حسام حبيب عن أزمةشيرين عبد الوهاب - لو أنا السبب في إدمانها للمخدرات كان زماني باشرب معاها، هل أهلي بايعيني علشان أشرب المخدرات. - شيرين تفاجأت بعد قرارها بالطلاق، إن حبها ليا لسه موجود، لكن مضفش عليها غير مصيبة كبيرة طلعت للناس بعد ما حلقت شعرها وطلعت واتكلمت في الإعلام عن الطلاق، وبقى الرجوع صعب جدًا. -اتصالحنا، ولكن رجعت لحياتها السابقة اللي أنا رافضها واللي كانت سبب خلافنا، وتجدد الخلاف تاني. - رجعنا كأزواج، بس من غير الناس ما تعرف غير أهلي وأهلها، والطلاق بينا حصل بورق، والرجوع كان من غير ورق. - شيرين حلقت شعرها قدامي علشان تجبرني أسيبها، ولما شفتها وقعت على ركبي من الصدمة. - علاقتنا أكتر علاقة ارتبطت بيها شيرين، وكانت علاقة عاملة زي الضمير اللي كل شوية بيزن عليها، فهي لما حصل الطلاق عملت كده، عشان تجبر نفسها وتجبرني إن العلاقة تنتهي. - وجودي في حياة شيرين كان صداقة، ومكنش في خيالي إني أنا وشيرين نتجوز، وعلاقة الصداقة وصلت إلى أنها بدأت تستنجد بي. - شيرين كانت صديقتي جدًا في الأول، وقالتلي إلحقني أنا بتنهش وخرجني من المحيط اللي أنا فيه. - أنا راجل عندي كارير وبتشغل، ومعملتش حاجة لنفسي من يوم ما اتجوزت شيرين، معملتش ولا أغنية ولا لحن. - أوضت نومي انا وشيرين كانت شبه محطة مصر وبلاقي ناس داخلين علينا الأوضة. - أنا مش توكسيك، وعلاقتنا كانت very bure وأنا مش توكسيك زي ما الناس بتقول. - مكنتش باخد منها فلوس ولا عمري خدت ولما كانت بتعرض عليا كنت برفض. - العربية دي عربيتي وباسمي شيرين اللي جيبهالي وصحابنا كانوا موجودين وشاهدين على كلامي. - انا مرجعتش مستحقات شيرين اللي اتقال في البيان غير صحيح. - سمعت زي زي الناس أن شيرين وصلت للمرحلة الثالثة من الادمان واتطلقنا لأن أنا كنت عايز أبعد عن البيئة المحيطة بها واللايف ستايل اللي هي عايزاه. - كانوا داخلين فاتحين مطواة وهم بياخدوها للمستشفى وتزلوها بالبيجاما وجرجروها على الأرض. - شيرين حاولت الانتحار بعد مادخلت المستشفى واحدة لاعارفة بناتها هيبقوا فين ولا معاها فلوس رفضت تاكل طول 3 ايام ورتنا في جسمها علامات ضرب كتير من يوم ماجروها وشعرها متقطع. - خيرت شيرين بيني وبين المخدرات، واطلقنا عشان أنا كنت عايزها تبطل اللي بتعمله وتبعد عن اللي حواليها، وبقيت أنا مغضوب عليا. - أهلها بيستغلوها مش انا. تفاصيل أزمة شيرين عبد الوهاب الأخيرة انتشرت اخبار في الأونة الأخيرة عن ضرب محمد عبد الوهاب أخو شيرين لها، ومن هنا كشف شقيق شيرين المستور وسر احتجازه لها بالقوة داخل إحدى مستشفيات الأمراض النفسية والعقلية وذلك خلال تصريحات تليفونية مع الإعلامي عمرو أديب ببرنامج "الحكاية" المُذاع عبر قناة إم بي سي مصر. قال محمد عبد الوهاب :" أنا مدخلها دخول إلزامي ونسب التحاليل بتقول إنها غير مؤهلة ولازم تتعالج، ودلوقتي مدير المستشفى في النيابة العامة معاه كل الأوراق اللي تثبت إن هي المريضة نسبة المخدرات في دمها تستدعي العلاج بالإلزام ومش هسيبها تخرج من المستشفى تدمر نفسها، أنا لما رحتلها خدتها بالقوة بعد ما والدتي اللي عندها 80 سنة باست رجلي قالتلي روح أنقذ أختك من حسام حبيب، أنا واخدلها لجنة توديها من البيت للمستشفى، أنا دي أختي لازم ألحقها سواء بالقانون أو من غيره". ودخلت والدة شيرين في مداخلة هاتفية مع عمرو أديب قائلة :" حسام حبيب ده شر أنقذوا بنتي منه، بيسهروا يشربوا مخدرات، وأنا اللي طلبت من ابني ينقذ أخته وطردت حسام حبيب من بيتي، الواد ده شر وبنتي بقالها 3 أيام بتشرب معاه وطردتني أنا وأختها من البيت". وتابعت حديثها : "كان في خلافات بيني وبين حسام حبيب، وعلاقتي ببنتي كانت كويسة جدًا، لحد ما هو جه طردتني أنا اللي اترجيت ابني عشان مش مأمنة عليها، وحسام حبيب قالي هتجوزها قولتله لما تشوف حلمة ودنك، بطلب من ربنا تحموها من حسام حبيب لأنه شر بنتي كانت كويسة والواد دا رجع قلب حالها"