علقت الفنانة صفاء جلال، على انتقادها بسبب ظهور ابنتها بحجاب رغم أنها غير محجبة، قائلة: "في عيد ميلاد بنتي نزلت صورة على صفحتي الخاصة والموضوع تحول لهجوم عنيف شديد اللهجة". اقرأ أيضا.. أخوات أم لا.. صفاء وسهام جلال يتصدران التريند وأضافت خلال حوارها مع الإعلامية ياسمين عز ببرنامج " كلام الناس" والمذاع عبر قناة " إم بي سي مصر": "الناس هاجمتني منهم اللي قالي اتقي ربنا واتعلمي الأخلاق من بنتك، دا أنتي رجلك والقبر"، موضحة: "الراحل وائل الإبراشي عمل مداخلة وبنتي سلمى اتكلمت وقالت له ماما هي اللي علمتني كل حاجه". وتابعت : "بنتي اختارت إنها تلبس الحجاب وهي في الثانوية العامة، وأنا قولت لها، لو هتلتزمي بيه، وهتعمليه صح؛ أنا معاكي، وهي لبسته بكل حب، وهو لبس شرعي، ربنا يكتب لي إني ألبسه؛ لأني بتمنى إني ألبسه زي أمي وأختي، وأصحابي كتير محجبات، ونفسي أبقى زيهم". وقالت الفنانة صفاء جلال،: "90% من زميلاتي مطلقات، بس أنا قررت اتجوز راجل شرقي، أسمع كلامه، وأمشي على مزاجه". وأوضحت: "الجواز عامة تفاهم واحترام وحاجات كتير، لازم نبقى احنا الاتنين بنشوف إيه اللي يزعل التاني، ومانعملوش، ودايما أول لما بيجيلي دور في عمل فني، لو لقيت فيه أي محاذير أخلاقية؛ مش بعمله، حتى لو بيعملي إيه، هو الحمد لله إحنا بقالنا دلوقتي 24 سنة مع بعض". وتابعت: "الحمد لله أنا مندمتش على حاجة خالص وبحمد ربنا على النعم الكتير جدا اللي ربنا مديهالي زي جوزي وبناتي وأمي وأخواتي واصحابي وشغلي، ويكفيني وأنا ماشية في الشارع الناس تقولي احنا بنحبك وبنحترمك". للمزيد من أخبار الميديا اضغط هنا