أثار الشيخ عبدالله رشدي الجدل من جديد عبر مواقع التواصل الإجتماعي، وذلك بعد ما نشرت أحدى الفتيات عبر حساب على الفيس بوك باسم "جيهان"،أدعت تعدي الداعية عبد الله رشدي عليها، واغتصابها في إحدى الشقق السكنية بمدينة العبور، وقالت الفتاة أنه تعهد على أن تكون العلاقة بينهما مجرد تعارف وصداقة، إلا أنه خالف ذلك الوعد. أقرأ أيضا..بسبب آرائه المثيرة للجدل.. وقف عبدالله رشدي عن صعود المنبر وروت الفتاة عبر صفحتها تفاصيل الواقعة، قائلة " بدأ التعارف بيننا عندما أردت أخذ استشارة دينية من الشيخ عبد الله رشدي"،وأضافت: «بدأت أعجب بيه وطلب مني إني أقابله في مصر عشان نتعرف اكتر واتفقنا انو لو تم التوافق هنتجوز بشكل رسمي.. اتفقنا نعمل عقد شرعي عشان بس لو تواجدنا مع بعض أو سلمنا علي بعض او اتكلمنا في حاجه خصوصية وكل التفاصيل دي تبقي حلال.. بس شرطت انه ما يتعرضليش ولا يلمسني وعاهدني انه مش هيلمسني». وتابعت: "بعدها مشيت في اجراءات السفر ونزلت مصر واستقبلني في المطار كنت حاجزة شقه ومعاد اخلاء الشقه دي عارض اليوم الي نزلت فيه ف كلم حد من اصحابه واخد منه مفاتيح الشقه اللي تخص صديقه في العبور عشان اقعد فيها.. ولما روحت هناك ف كلم حد من اصحابه جمعله شقه في العبور ولما روحت هناك قالي هقعد بس معاكي خمس دقايق نرتاح من المشوار انا بحكم اني عايشه في اوروبا والمجتمعات الغربية مفيهاش خوف في المواقف اللي زي ذي فقولت اكيد مش هيعمل حاجه في الخمس دقايق دول وهو راجل دين اكيد بيخاف ربنا". وأكملت: "عمل هو الاتفاق بشكل شفوي بدون اي ورق واتصل باتنين شهود مشايخ دكاترة في جامعة الازهر دكتور احمد البصيلي دكتور بجامعة الازهر ودكتور اخر اسمه احمد بس لا اتذكر اللقب شهدوا علي الاتفاق بشكل شفوي بردو وانا أكدت عليه انو مينفعش يلمسني احنا عملناه فقط عشان الحرمانية على حسب كلامه". وأضافت جيهان: «وبعد ما تم العقد خالف العهد ده وتعدي عليا بدون موافقتي وبعد محاولات كتير إهاىْة وهتك عرض عرفت اخلص من تعديه عليا الي كان بكل عىْف". وأردفت: "وبعدها فضلنا علي تواصل من بعيد عشان ادْيته ليا وبعدها اعتذر وقال ان مكنش قصده يعمل كده ورضاني وصالحني وكان بيقابلني بعدها في مدينة نصر وفي مدينتي وفي الشارع، عشان ده ميحصلش تاني واخر يوم كان متغير معايا جدا وكان لطيف وقالي انه متمسك بيا واتفقنا اننا هنكمل في العلاقة عشان نفهم بعض اكتر". وذكرت: "ووصلنا لحل اننا هناخد وقت نتعرف فيه علي بعض اكتر ومشيت سافرت وسبت مصر وبعدها بكام يوم وبدون اي سبب قالي احنا لازم ننهي الموضوع ده باي شكل انا مش فاضيلك وبعدها قالي انتي من النهاردة انتي حرة الي هو كده انتي طالق بس مقالش طالق". وأشارت الفتاة: "بعد الطلاق تعبت ىْفسيا وصعبت عليا نفسي وبقت دماغي تفكر كتير طيب ليه عملت كل ده طالما مش عايزني ومعندكش وقت ليا.. لحد ما فكرت اشتكي لأهله عشان غدر بيا واستغفلني ودي بالنسباله كانت جوازة متعه وتواصلت مع اخواته وأول ما كلموه حلف علي المصحف انه ميعرفنيش». واستطردت: "وبعدها تواصلت مع مراته من اكونتها الشخصي الي عليه اولادها وعيلته وفي كل التفاصيل دي هتلاقوها في فيديو الشاشه الي نزلته.. وبعد ما تواصلت مع مراته اكتشتف ان انا مش اول واحدة يحصل معاها كده وان انا مش اخر واحدة كمان وبعد مامشيت من مصر كان في واحده تاني غيري معاه". وأوضحت: "كلمته اقوله انا عايزة حقي قالي اعملي الي انتي عايزاه.. وخلاص ضاع حقي وضاع حق البنات الي بيتم التلاعب بيهم كل كام يوم الي هو بيفْتل صوتهم وحقوقهم بشعبيته وشهرته ومنصبه وان محدش هيصدق كلامهم ولا كلامي". واختتمت: "لو في حد مشكك في كلامي هقولك ده حقك وانا مش هجبر حد علي انه يصدقني بس تقدر تراجع الفيديوهات والفيديو الي خارج من صفحة مراته ام اولاده وبتاكد اني مش اول واحدة يحصل معاها كده وبعدها احكم وقبل ماتحكم اتاكد عشان دي اعراض ناس حقها هيضيع بسبب شهادتك ورائيك وعند الله تجتمع الخصوم".
