أكد الرئيس عبد الفتاح السيسي، أن المواطن في مصر يدفع أقل من 50 % من التكلفة الفعلية للوقود . اقرأ أيضًا.. بث مباشر.. السيسي يفتتح مشروعات الإنتاج الحيواني والألبان بمدينة السادات وتابع "السيسي" خلال كلمته في افتتاح مشروعات لإنتاج الثروة الحيوانية والألبان، اليوم الإثنين، أنه :" عاوز أقول للمصريين خالوا بالكم المفروض الأسعار في مصر تبقا أكتر من كده بكتير، وأنا والله مش بقول كده بجامل الحكومة، والنهارده الدول الغربية من ضمن معايير التضخم لا يزيد عن 2 %، وهذه ثوابت عنده سنين كتيرة بكل المتغيرات الدولية، وهناك بعض الدول سجلت 5 و9 و بتتكلم عن دول غنية ومستقرة وتسعير وحوكمة وسلاسل توريد ومعندهاش النمو السكاني، وفيه دول بقالها 40 سنة عدد سكانها مزدش، حصل عندهم تضخم نتيجة الحرب تضخم وزيادة في الأسعار". وأوضح السيسي :أنه :"لو كان تكلفة الطاقة في مصر اتعاملنا بيه طبقا للأسعار العالمية كان حصل قفزة كبيرة جدا في التكلفة، بمعنى أن اللى بينقل منتجاته داخل مصر ما زال بيدفع تكلفة وقود 50 % وأقل من 50 %لتر البنزين ب 2 دولار يعنى 40 جنيها". وتابع الرئيس: "بقول ده للمصريين علشان يعرفوا أن الواقع اللى عندنا ده اقصى حاجة ممكن نعملها لضبط والسيطرة على الأسعار، طبقا للى حصل في العالم النهارده بتكلم عن برميل البترول 120 دولارا طيب لو بقا 150 دولارا؟ وافتتح الرئيس عدد من مشروعات الإنتاج الحيواني والألبان والمجازر الآلية بمدينة السادات في محافظة المنوفية، وذلك عبر الفيديو كونفرانس. وتضمنت المشروعات التي افتتحها الرئيس السيسي: "مجمع إنتاج الألبان رقم 2 بالنوبارية، ومجمع الإنتاج الحيواني رقم 6 بشمال التحرير، ومجمع الإنتاج الحيواني بالوادي الجديد، والمجزر الآلي بسفاجا".