نفى الكابتن حسام البدري، المدير الفني السابق للمنتخب الوطني، حصوله على 6 ملايين جنيه مع المنتخب مقابل الحصول على نقطتين فقط . اقرأ ايضا : حسام البدري يكشف السبب وراء الانتقادات الموجهة إليه وقال " البدري" خلال لقائه ببرنامج "العرافة"، المذاع عبر فضائية "المحور"، اليوم الإثنين، إن الشرط الجزائي لعقد التدريب الذي وقعه مع اتحاد الكرة كان ينص على حصوله على راتب شهرين في حال الإقالة، موضحًا: "مضيت معاهم بحسن نية، لكن اكتشفت بعد كده إني أنا اللي هدفع الشهرين"، لترد عليه الإعلامية بسمة وهبة مقدمة البرنامج : "مش قادرة أصدق إن الجزار ممكن يضحك عليه". واستطرد : "وقعت بحسن نية، قرأت المسودة كانت مكتوبة زي ما اتفقنا، لكن في 3 نسخ من العقود، والنسخة اللي معايا مكتوب فيها إنهم لو مشوني هدفع شهرين". وكشف البدري حقيقة حصوله على 6 ملايين جنيه مقابل الفوز بنقطتين، معقبا :"الكلام ده غلط، لأن الضرائب 25%، عيب إبراهيم فايق يقول كده، ده مش كلام للمصلحة العامة وقضية بتتناقش، دي مصلحة شخصية .. كيروش كان بياخد بكم؟! وأخر مرتب ليّ في الأهلي كان 600 ألف جنيه بعد الضرائب". وفي ذات السياق، رد البدري على اتهام الكابتن عماد متعب له بأنه أساء معاملته ولم يكن صريحا معه، معقبا :"أن المنتخب الوطني بحاجة في الفترةالحالية إلى مهاجم مثل عماد متعب، لافتا إلى أنه كان حريصا على استمرار عماد متعب أطول فترة ممكنة في الملاعب عندما كان مدربه في الأهلي. واستطرد أنه "بُعد أي لاعب عن الملعب شيء صعب جدا، لكن في وقت ممكن يبقى عندي رأيه فيه باللاعب وحالته مينفعش تتقاله لأن خلاص بتبقى صعبة عليه، لأنه لما يبتدي يبعد عن الملعب بسبب السن، لو اتكلمت في حاجة من دي بشكل صريح يبقى بأثر عليه نفسيا". وواصل البدري أنه يعتبر عماد متعب لاعبا كبيرا جدا، معقبا : "مصر محتاجة لاعب زي ده، ومكنتش بتلكك له، لكن كان عندي وجهة نظر مش واضحة للاعب، وكان لازم يقتنع إن وقت المشاركة بتاعته قلّ شوية، وعمري ما نزلته أخر دقيقة". مواضيع ذات صلة : حسام البدري: عناصر جديدة ستوجد في معسكر منتخب مصر حسام البدري وراء فشل منتخب مصر في الوصول لكأس العالم
