كشفت النجمة أنغام، العديد من الأسرار الفنية والشخصية وكواليس مشوارها الفني، إضافة إلى أسرار ما وراء ستار حفلاتها الغنائية . اقرأ ايضاً .. الموهبة لاعلاقة لها بالطيبة| طليقة سيد رجب تُصعّد هجومها وتحدثت "أنغام" خلال استضافتها في برنامج "سهرانين" مع النجم أمير كرارة، والمذاع عبر شاشة ON E، حيث قالت:"بدأت أعزف بيانو من تالتة ابتدائى، وده سن كويس لأن الطفل وهو صغير تعليمه بيكون أسهل من الكبير". وأضافت أنغام: "غنيت في أول حفلة ليا كمطربة محترفة كان عندى 17 سنة في حفلة تبع الإذاعة كانوا بيسموها حفلة الأم والربيع، وغنيت فيها اغنية للأم وهى الأغنية اللى اعتمدونى فيها في الإذاعة". وتابعت "أنا كنت عضو فى كورال الأطفال الكونسرفتوار، وكانت بروفاتنا على مسرح سيد درويش ومكنتش وقتها بخاف لأن الطفل مش بيكون فاهم، ولكن حاليا وأنا كبيرة بخاف وأنا طالعة على المسرح ولو مسكت إيدى هتلاقيها متلجة لأن لما بتكبر بتحس بالمسئولية أكتر، وببدأ أخد على الأجواء بعد شوية قدام الجمهور". وكشفت "أنغام" عن اسم مطربتها المفضلة: "فيروز أول حب بالنسبة ليا وبحب أغنى ليها لأنى من طفولتى وأنا متأثرة جدا بيها، وكانت نجمتى المفضلة، وهى عملت حفلة زمان في مصر كانت بتتذاع في التليفزيون المصرى، ولما تشوفها على المسرح عندها حضور غير عادى وصوتها غير عادى بجد". وأضافت أنغام: "كنت ساكنة في مدينة نصر في فترة الطفولة وكنت بلعب مع حد بقى نجم كبير جدا وهو الفنان محمد حماقى، وتجمعنى بيه صداقة قوية، حتى إنى واخدة منه أغنية بين البينين من ألحانه، وفى الحقيقة أنا سطوت على الأغنية لأنى سمعتها عند أمير طعيمة بصوته وقلتله أنا عوزاها وحماقى ادهانى هدية ومرضيش ياخد فلوس".
