قال الرئيس عبد الفتاح السيسي، إن كل المسئولين السابقين كانوا يرفضون زيادة أسعار تذاكر القطارات، خوفًا على مناصبهم، مضيفًا: "اللي مكانش بيزود سعر التذكرة كان خايف على كرسيه حتى لو البلد هتخرب وتكون بلد كهن، سكة حديد تعبانة وموانئ تعبانة". اقرأ أيضًا.. السيسي من مصنع كيما أسوان للأسمدة: مش عاوزين نرجع للخراب تاني وأضاف السيسي، خلال كلمته في افتتاح مصنع – 2 كيما بمحافظة أسوان، اليوم الثلاثاء، أن المسئولين كانوا يعلمون العلاج، متابعًا: "العلاج عايز فلوس ولما اقترض علشان أطور لازم أعرف أرجعها". وأوضح أنه طلب من وزير النقل عدم المساس بتذاكر القطارات، إلا بعد تطوير كل العربات وتقديم خدمة متميزة، موضحًا: "أول ما تلاقي نفسك مفيش عربية ولا جرار قديم نرفع التذاكر". وأكد أن صناعة وصيانة عربات السكة الحديد، شهدت تطورًا كبيرًا في العالم، ولكن الدولة لم تسطتع أن تواكب هذا التطور بسبب تسعير التذاكر، موضحًا إن خط السكة الحديد تحتاج إلى 5 آلاف جنيه حتى يتحرك، ويحصل على ألف فقط، متابعًا: "هيستحمل سنتين تلاتة وبعدين ينهار مني" ووجه رسالة إلى المصريين قائلًا: "أنا بقول الكلام ده للمصريين علشام محدش يقولكم السكة الحديد تعبانة علشان الحكومة مش كويسة، إحنا عارفين أن في مشاكل لكن هنحلها أزاي". ويتفقد الرئيس السيسي مصنع اليوريا ونترات الامونيا بمنطقة كيما بمحافظة اسوان، كما يتفقد محطة سكك حديد أسوان حيث يشهد تدشين الوحدات المتحركة الجديدة بمختلف انواعها من قاطرات وعربات السكك الحديدية.
