كشف وليد سليمان لاعب النادي الأهلي، حقيقة تدخل محمد صلاح في اختيارات لاعبي المنتخب. وقال "سليمان"، خلال استضافته ببرنامج "مساء دي إم سي"، المعروض عبر فضائية "دي إم سي": "محمد صلاح أفضل لاعب في العالم ولابد من المحافظة عليه"، مؤكدًا: "مو لا يتدخل في اختيارات المنتخب". وتابع: " محمد صلاح الحاجة المصرية اللي منورة في أوروبا لازم نحافظ عليه ومش هو اللي بيختار لاعبي المنتخب محمد صلاح أفضل لاعب في العالم ومتربي". ورد "لاعب النادي الأهلي"، على اتهامه بالعنف، قائلًا "لو اتكلمت في الموضوع هقول أسماء ناس كانوا عايزين كدا". وأشار إلى: "لما تواصلت مع الناس دي قالوا لي إحنا بنعمل كدا علشان جمهور الأهلي وإعلام الأهلي بيتهموا طارق حامد بحاجات شبه كدا". وأوضح: "طارق حامد صديقي وصاحبي، ولاعبي الأهلي والزمالك صحاب في المنتخب، وطارق حامد إنسان كويس مقدرش أقول عليه كلام مش كويس". وأختتم: "مش عايز أجيب سيرة حد، وأنا حصلي كسر في ضلعي بسبب محمد كوفي قعدت 3 أشهر من غير لعب".