أثارت الإعلامية لينا شاكر تعاطف الملايين بعدما كشفت لأول مرة عن تفاصيل إصابتها بالسرطان و رحلة علاجها على مدار 8 أشهر، ما جعلها تأتي في صدارة قائمة محتويات الأكثر بحثًا على مؤشر البحث العالمي جوجل و مختلف منصات التواصل الإجتماعي. اقرأ أيضًا .. آخرهم حورية فرغلي .. تعرف على أشهر الفنانين الذين أصيبوا بالسرطان لينا شاكر تشكر جمهورها على دعمهم لها بعد إصابتها بالسرطان حرصت الإعلامية لينا شاكر على تجيه رسالة شكر لمتابعيها وأصدقائها عبر منصات السوشيال ميديا بعد إرسالهم العديد من الرسائل للاطمئنان على صحتها ولدعمها، عقب إعلانها إصابتها بمرض السرطان حيث قالت: "صباح الفل والجمال والحب والجدعنة وكل كلمه حلوة اتكتبت وكل دعوة وكل رسالة، وكل تليفون اتعملى حقيقى لم أكن اتخيل كل اللى حصل ده"، وجاء ذلك عبر حسابهاالشخصي على موقع التواصل الاجتماعي الاشهر فيسبوك. لينا شاكر تكشف تفاصيل مؤلمة عن إصابتها بالسرطان يُشار إلى أن الإعلامية لينا شاكر كانت قد شاركت منشور عبر حسابها الشخصي على موقع التواصل الإجتماعي الأشهر فيسبوك كشفت فيه عن تفاصيل خاصة جداً مرت بها و عاشتها خلال رحلة علاجها من السرطان حيث قالت: "انا كان بقالي سنه Heat free وبحاول اخلي شعري كيرلي طبعا هي معاناه بجد بس عشان اصمد اشتريت باروكه عشان البسها في الشغل لحد ما شعري يظبط ويتحسن". وتابعت: "جيت في وقت بصيت للباروكه كده وقلت تفتكري حتحتاجيها في يوم لو اخدتي كيمو وده ماكنش يقين بس هي فكره خطرت علي بالي واول اما خلصت السنه وشعري ابتدي يتحسن ويبقي كيرلي حصلت المفاجأة اني بالصدفه احس ان في حته بليه كده في جسمي وفورا رحت اشوف ايه دي ومن هنا ابتديت الرحله". واستطردت: "عملت الفحوصات والتحاليل واتشخصت وعملت العمليه واخدت الكيماوي وبعدها الاشعاعي .. الحقيقه ان ماخدتش الخبر ده زي بقيه الناس ان صحيح جالي لحظه الانهيار كانت وانا بعمل المموجرام وماكنتش لسه اتشخصت بس لأني كنت بدعي ربنا انه ياخذني وانا علي رجلي وفي صحتي وكنت متصوره انه حيكتبهالي". وفي سياق متصل وصفت شعورها لحظة تلقيها خبر اصابتها بالسرطان قائلة: "بس في اللحظه دي زعلت لاني ابتديت احس انا داخله علي ايه وفكرني بكل اللي عيشته مع ماما والحقيقه اني مش عايزه اعيشه تاني مع اي حد عزيز او غالي عليا وكنت فاكره اني خلاص اخدت نصيبي من المرض في كل اللي عيشته وشفته مع امي بس اتضح انه كاتبلي غير كده واسرع من ما كنت اتخيل انا كنت بقول اكيد حيجيلي كانسر زي ماما بس ما تخيلتش انو يكون بدري كده وانا عندي 43 سنه واديني عرفت بنفسي الاحساس ودوقت جلسات الكيماوي والاشعاعي كمان". لينا شاكر تكشف تجربة الكيماوي مع شعرها وأضافت لينا شاكر: "شعري وقع واملي المره دي يطلع حلو بقه دا انا صبرت عليه سنه ويادوب اول اما اتحسن اخدت الكيمو ووقع.. كله حيعدي ان شاء الله والمهم ان اي حد عنده المعركه دي او الحرب دي يحاول يرفع من روحه المعنويه وربنا حيقويه ويقدره .. يحاول يطنش علي اي حاجه او اي حد يزعله عشان اللي مزعلك مش حييجي يشيل عنك وجعك وألمك وبهدله مرضك ولأن كمان مفيش حاجه في الدنيا مستهله .. حاولوا تكونوا جنب اللي بيحبوكوا بجد وبيسعدوكم". سر تعافي لينا شاكر من السرطان وكشفت الإعلامية لينا شاكر عن سر تعافيها و تخفيف رحلة علاجها من السرطان حيث قالت: "انا في الاول حبيت ان الموضوع ما يتعرفش وما قولتش لناس كتير من صحابي واهلي عشان ماكنتش عايزه حد يزعل او يقلق او حتي يشيل هم الخبر ده او يبصلي بنظره حزن او شفقه....بعد ال8 شهور اللي فاتو خلاص دلوقتي انا جاهزه اني اقول للدنيا كلها مش عشان مستنيه حاجه.... بس عشان حاجه واحده ...وهي اني اكون مصدر قوه او إلهام واني أأكد لكل الناس ان دي مش نهايه الدنيا وان عادي ده مرض زي اي مرض ممكن يصيبنا وفي ناس اتولدت بأمراض او اعاقات وربنا قدرها انها تكون قويه وتبهرنا بإرادتها وقوتها". وتابعت: "وزي اما قالولي علي ماما دي بتموت.. ده ما حصلش وربنا الحمدلله مد في عمرها .. مافيش حد فينا عارف ربنا كاتب له ايه ولا حيعيش قد ايه عشان كده انا بأكد لكم ان دي مش نهايه الدنيا وان طالما لسه فينا نفس لازم نبقي اقوياء ونحارب عشان اللي بنحبهم او حتي عشان وقتنا لسه ما جاش". واختتمت لينا شاكر كلامها قائلة: "انا كان بقالي سنين كتيررررررره ما عملتش فوتو سيشن وقررت ان ده الشكل اللي حعمل بيه الفوتو سيشن دي.... اني اكون من غير شعر عشان ده حالي وافكرني واقول لكل واحد او واحده بيمروا بالتجربه دي انتم مش لوحدكم ملايين بيتعرضوا لها يوميا وبجد دي مش اخر الدنيا .. صحيح انا ما قدرتش انزل امشي في الشارع كده بس انا قادره اتصور كده واحطها عندي علي الwall وما اكونش مكسوفه او متضايقه، واحطها علي كل الgroups اللي انا فيها عشان نشجع بعض اننا ما نزعلش ولا نكسف وان يجي اليوم اللي نقدر نمشي في الشارع كده وما نشيلش هم الباروكه ونكون اقوياء وراضيين". وفي نهاية منشورها أشارت الإعلامية لينا شاكر إلى أنها تعافت من السرطانن،حيث قالت: " بكتب الكلام ده وانا خلصت خلاص والحمد لله عدت واللي جاي احسن ان شاء الله، اما بقي حكمته فانا لسه ما عرفتهاش بس اكيد حعرفها واكيد حياتي حتتغير وان شاء الله للاحسن". إنجي علي تدعم لينا شاكر بكلمات مؤثرة من ناحية أخرى، حرصت الإعلامية إنجي علي، على مساندة و دعم صديقتها لينا شاكر، بعد إعلان الأخيرة إصابتها بالسرطان، حيث نشرت صورة لصديقتها "لينا"، وعلقت عليها قائلة: "حبيبتى لينا شاكر بدأنا مع بعض في قناة النيل للمنوعات رحلة طويلة وعشرة سنين وصداقة، إن شاء الله ربنا هيعدي الأزمة دي على خير هيشفيكي ويعافيكي انتي قوية وغالية أوي يا لينا واللي جاي أحلى إن شاء الله"، وجاء ذلك عبر حسابها الشخصي على موقع تبادل الصور و الفيديوهات انستجرام. شريف مدكور يطلب الدعاء ل لينا شاكر بالشفاء العاجل كما أعلن المذيع شريف مدكور، دعمه، للإعلامية لينا شاكر، بعد إصابتها بالسرطان، قائلاً: "صديقة عمري واختي واللي كانت جنبي في مرضي كل لحظة من أول العملية، لكل جلسات الكيماوي كانت جنبي تقويني وتقولي حتقوم وحترجع زي الحصان وبعدي بسنة يجلها نفس الهدية من ربنا، وكانت في كل لحظة قوية وراضية.. مش عارف أكتب إيه ولا إيه، ربنا يتمم الشفا ليكي ولكل مريض سرطان"، وجاء ذلك عبر حسابه الشخصي على موقع التواصل الاجتماعي الاشهر فيسبوك.
