عن الشخص اللى ميجيش ف الحياة نوبتين عن الشخص اللى فارقنى بقاله سنين عن الشخص اللى ما اشبعشِ كلام وياه عن الشخص اللى ما اشبعش كلام عنُه عن الشخص اللى أنا مِنُه و لو فيا صفات حلوة .. تكون مِنُه كفوف العُمر يتحنو و يتمنو دوامك حتى لو فى الحلم عن البطل اللى ف الواقع صفاته مش مجرد فيلم عن الشخص اللى كان ضِلُه كشجرة توت عن الشخص اللى ميفرقش بيننا الموت و لا تِفرِقش فين موجود .. ف انهى حياة عن الشخص اللى كان بيقول بدالى ال اه عن الضهر اللى ساندنى لِحَد الان عن الحنية و الطيبة و سيرة عطرة و قريبة .. فى كل مكان عن الإنسان بمعنى الكلمة و المضمون عن المَجدَع عن الشخص اللى ف وجوده هموم الدنيا كت بتهون عن الشاب الوسيم جدا لاخر يوم عن الضحك الكتير جدا لحد النوم عن الواد اللى من غيرك بقا محروم سيادة والدى المرحوم تحياتى و أشواقى و فرحى و كل شىء باقى يا رب يا أبويا يجى اليوم عشان القاك و اشوف الجنة فى رؤياك أنا بدعى و بتمنى وبستناك شعر / ولاء الدين فاروق