كتبت-علياء أحمد: حرص المخرج عمرو سلامة، علي حضور فيلم "باب الحديد" للمخرج الراحل يوسف شاهين، وذلك ضمن حفل إعادة افتتاح سينما "زاوية" بعد تجديدها وعرض أفلام "مرممة" بجودة عالية للمخرج الراحل يوسف شاهين من يوم 12حتي 22 سبتمبر الجارى. وأبدي سعادته بهذا عبر حسابه الرسمي علي موقع تبادل الصور والفيديوهات الشهير "إنستجرام". وعلق "عمرو" قائلا "الفيلم الحلو لما بيعدي فترة ماتشوفوش بتنسى كان قد إيه حلو..إمبارح اتفرجت على فيلم باب الحديد واحد من أحلى الأفلام في تاريخ السينما المصرية في سينما زاوية كريم الجديدة واللي تم تطويرها بشكل مبهر". وتابع قائلا "الفيلم كان فيلم الافتتاح لعشر أيام ستعرض فيها أفلام شاهين بعد ترميمها، لما شوفت الفيلم إمبارح جودته خليتني أحس كإنه معمول دلوقتي. برشح للجميع يروحوا الأفلام في العشر أيام ديه ويلحقوا يشوفوها في السينما بجودة رائعة لإن مانعفرش إمتى الفرصة ديه هتتكرر ثاني". ويشار إلي أن آخر أعمال المخرج "عمرو سلامة" مسلسل "طايع " الذي تم عرضه خلال شهر رمضان الماضي، وشارك في بطولته عمرو يوسف، صبا مبارك، سهير المرشدي، عمرو عبد الجليل، تأليف محمد دياب وخالد دياب وشيرين دياب. View this post on Instagram الفيلم الحلو لما بيعدي فترة ماتشوفوش بتنسى كان قد إيه حلو. إمبارح إتفرجت على فيلم باب الحديد واحد من أحلى الأفلام في تاريخ السينما المصرية في سينما زاوية كريم الجديدة واللي تم تطويرها بشكل مبهر. الفيلم كان فيلم الافتتاح لعشر أيام ستعرض فيها أفلام شاهين بعد ترميمها، لما شوفت الفيلم إمبارح جودته خليتني أحس كإنه معمول دلوقتي. برشح للجميع يروحوا الأفلام في العشر أيام ديه ويلحقوا يشوفوها في السينما بجودة رائعة لإن مانعفرش إمتى الفرصة ديه هتتكرر ثاني! @zawyacinema A post shared by Amr Salama (@amrmsalama) on Sep 12, 2018 at 1:14am PDT