كتب - أحمد أيوب: انتقد العديد من الجماهير الفنان محمد رمضان، وذلك عقب طرحه اليوم أغنيته الثانية "الملك" على قناته الرسمية بموقع الفيديوهات الشهير "يوتيوب". حيث قال الحلواني: "محمد رمضان بدايه سيئه ثم اجتهاد واعتدال ثم استرخاص واستسهال ثم غرور وغباء، نهايتك مش بعيده يا ملك..". ثم قال إسلام مجدي:"عندي أزمة كبيرة مع دماغ محمد رمضان، قد تكون ممثل كويس جدا بس طريقة التفكير دي هتخسرك كل اللي كسبته، مش انت اللي تقول على نفسك إنك رقم 1 ومش انت اللي تحكم أيدا على شغلك. بالطريقة دي اللي انت فيه هيندرج تحت بند الغرور، زيك زي أي موهبة بتضيع نفسها ده غير تكرار الشخصيات طبعا". وأخيرًا قال محمود: "انا من اكتر الناس اللى بتحب محمد رمضان بس مش كل اسبوعين اغنية طالع بتاكد فيها انك رقم 1 واحسن حد فى درب التبانة انت كده مش واثق فى نفسك عايز الناس تصدق كده ازاى يعنى". يذكر ان حقق كليب "الملك"، نسب مشاهدة عبر موقع الفيديوهات "يوتيوب"، بلغت نصف مليون مشاهدة خلال ساعات قليلة من طرحه.
