كتبت - إيمان محمد: هنأ المطرب تامر حسني، أصدقاءه الفنان أمير كرارة والفنان عمرو يوسف على نجاح أعمالهما في الموسم الرمضاني، وذلك عبر صفحته الرسمية علي موقع التواصل الاجتماعي الشهير "فيسبوك". وكتب "حسني" في تدوينة عبر صفحته قائلًا "بجد انا فرحان من كل قلبي لنجاح أصدقاء عمري امير كراره وعمرو يوسف وطبعاً في مسلسلات جميله تانيه بس انا بخص عمرو وامير عشان من 15 سنه قعدنا قاعدة رجاله وكنا بنحلم كده إحنا التلاته وبنتمنى وندعي ربنا ان كل واحد فينا يوصل للي هو فيه دلوقتي". وتابع " وعشان ردود الأفعال المحترمه على مسلسلاتكم من كل الناس مليون مبرووك على نجاحكم الكبير تعبتوا وتعبكم واضح وطبعاً مليون مبرووووك لحبيب قلبي ونصي التاني في فيلم البدله اكرم باشا حسني على نجاحه الكبير بس هو مكانش معانا في القاعده دي كان في قاعده تانيه إلى الأمام يا رجاله". فيما رد عليه الفنان أمير كرارة قائلًا " الله يبارك فيك اخويا وحبيبى المحترم نجم الجيل". وعلق أيضًا الفنان أكرم حسني قائلًا " مش جديد عليك جدعنتك مع صحابك و تشجيعهم دايما .. تسلم يا حبيبي و عقبال الفيلم يا رب".