انتقد النائب محمد الحسينى، عضو لجنة الإدارة المحلية بمجلس النواب، طلب الحكومة للمرة الثالثة تأجيل مناقشة مشروع القانون المقدم منه بشأن تنظيم مرفق مواقف سيارات الأجرة والسرفيس وساحات انتظار المركبات ومنحها مهلة أخرى لمدة 30 يومًا. وقال "الحسينى"، خلال اجتماع اللجنة اليوم: "إحنا أمام مشروع قانون مهم جدًا، والحكومة بتشتغل على رد الفعل للأسف، وفكرة نستنى كمان شهر هيأخرنا، فهل الحكومة معندهاش رؤية سياسية فى كل المحافظات لإدارة هذا المرفق المهم، طيب وبعد ال30 يومًا؟!". وتابع "الحسينى": "مصر محتاجة إرادة، عايزين نلم الملايين المهدرة فى المواقف العشوائية، عندى موقف واحد بيلم 15 ألف جنيه فى اليوم، بالإضافة للبلطجة التى نراها فى الشارع كل يوم من بعض السياس، راجل محترم يجى يركن عربيته يبلطجوا عليه، والناس شايفه البلطجة فى الشارع، وعندنا كمية موارد مهدرة مش عارفين ننظمها، وأنا بقول للحكومة حطى ايدك على الموارد عشان اللى هنقفشه مش هنسيبه".